”Ifasindro wamatörönia Lowalangi si so ba zorugo, amatöröwa si lö irai adudu.”​—Danieli 2:44, Famoʼeluaha Gulidanö si Bohou.

”Tebeʼe khöda nono matua; So wamatörö ba dangania.”​—Yesaya 9:6; nisura ba gahe zura.

• Tola ösöndra waʼohahau dödö ba wamatörö satulö.​—Yesaya 48:17, 18.

• Ba gulidanö si bohou dania lö hadöi fökhö saʼae, owua-wua dödöda fefu.​—Famaʼeleʼö 21:3, 4.

Tola. Si löʼö-löʼönia so dombua mbörö wa faduhu dödöda:

• No iforomaʼö Yesu hadia zi tola ifalua Wamatörö Lowalangi. Ifomaha ndra nifahaʼönia ba wangandrö enaʼö tohare Wamatörö Lowalangi ba alua gohitö dödönia ba gulidanö. (Mataiʼo 6:9, 10) No iforomaʼö Yesu hewisa na alua dania fangandrö andre.

  Me so ia ba gulidanö, ibeʼe gö niha solofo Yesu, ifadöhö wökhö, isusugi zi no mate! (Mataiʼo 15:29-38; Yohane 11:38-44) Daʼa zangoromaʼö wa ba zi so miföna dania, ba ginötö mamatörö Yesu ba Wamatörö Lowalangi, ifalua zebua moroi andrö ba nono mbanuania.​—Famaʼeleʼö 11:15.

• Salua ba gulidanö iadaʼa sangoromaʼö wa no ahatö tohare Wamatörö Lowalangi. Imane Yesu, fatua lö iʼaʼasogö waʼatulö ba gulidanö Famatörö Lowalangi andrö, alua ua wasuwöta, lofo, duru danö misa.​—Mataiʼo 24:3, 7.

  Daʼö niʼilada ba ginötö andre. Andrö wa faduhu dödöda lö ara tö iheta fefu ngawalö gabula dödö Famatörö Lowalangi andrö.