MANURIAIGÖ No. 1 2018 | Hadia Moguna Zura Ni’amoni’ö ba Ginötö Da’a?
HADIA MOGUNA ZURA NIʼAMONIʼÖ BA GINÖTÖ DAʼA?
Börö me tedou waʼatua-tua niha ba gulidanö götö daʼa, aoha sibai wanöndra angombakhata. Na simanö, hadia moguna nasa Zura Niʼamoniʼö? Imane Sura Niʼamoniʼö:
”Fefu nösi zura andrö, ba eheha Lowalangi zameʼe ba dödö niha, ba moguna ia.”—2 Timoteo 3:16.
Ba majalah Manuriaigö andre itutunö hadia mbörö wa moguna nasa Zura Niʼamoniʼö andrö ba waʼaurida.
Hadia Moguna Wanuturu Lala moroi ba Zura Niʼamoniʼö ba Ginötö Daʼa?
Börö me tasöndra gangombakhata ero inötö, hana wa tafareso mbuku nifazökhi mato 2.000 fakhe silalö?
Famaha’ö Zura Ni’amoni’ö—Moguna Irugi zi Lö Aetu
Hewaʼae so waʼatua-tua si bohou iada’a, so wamaha’ö awö goi-goi si tefaudu moroi ba Zura Niʼamoniʼö ba moguna khöda sagötö fa’ara.
Hadia Ha Me Föna Moguna?
Sura Ni’amoni’ö tenga buku ilmu pengetahuan, hiza’i tohude nösinia moroi ba götönia, te ahöli dödöu.
1 Fanolo ba Wanimbagö Abula Dödö
Angeragö hewisa wa’atua-tua Lowalangi tobali fanolo ba niha ba wanimbagö abula dödö sabua ba wa’auri.
2 Fanolo ba Wangasiwai Abula Dödö
So mene-mene ba Zura Ni’amoni’ö ba wangasiwai abula dödö simane na talafo aombö-aombö dödö, fanaha ba walömamalua halöwö, ba hulö zi lö awö.
3 Fanolo ba Wanaögö Abula Dödö
Hewisa na alua gabula dödö si tebai tatimbagö mazui ta’asiwai, simane fökhö sabölö-bölö mazui fa’amate?
Sura Niʼamoniʼö ba Faʼaurimö ba zi So Föna
Itolo ita Taromali Lowalangi wanaögö abula dödö salua ero ma’ökhö ba gulidanö si lö tatu andre. Ifalua göi nasa zi töra moroi ba da’ö. Itutunö khöda zahöli-höli dödö ba zi so föna.
Hewisa Molo’ö Ya’ugö?
Faigi hadia nifaduhusi tödö niha hegöi niwa’ö Zura Ni’amoni’ö sanandrösa ba wanofu andre.
