Uyini UmBuso KaZimu?

IDLALE

Kghani bewungathi . . .

ngokuthileko okusehliziywenakho?
yinto engokomfanekiso?
ngurhulumende osezulwini?

OKUTJHIWO YIBHAYIBHELI

“UZimu wemazulwini uzakujamisa umbuso ongasoze wapheliswa.”—Danyela 2:44.

“Siphiwe indodana, umbuso uzakuba semahlombayo.”—Isaya 9:6.

ONGAKUZUZA KILOKHO

Umbuso olungileko ongakuzuzisa wena mathupha.—Isaya 48:17, 18.
Ipilo epheleleko kunye nethabo ephasini elitjha elizako.—ISambulo 21:3, 4.

INGA-KGHANI SINGAKUKHOLELWA KWAMAMBALA OKUTJHIWO YIBHAYIBHELI?

Iye, nganaka amabanga amabili:

UJesu watjengisa lokho okuzokwenziwa mBuso kaZimu. UJesu wafundisa abafundi bakhe bona bathandazele ukufika komBuso kaZimu kunye nokwenziwa kwentando kaZimu ephasini. (Matewu 6:9, 10) UJesu watjengisa bona uzokuphendulwa njani umthandazo lo.

Nekasephasini, uJesu wasuthisa abalambileko, wapholisa abagulako, bewavusa nabafileko! (Matewu 15:29-38; Jwanisi 11:38-44) NjengomBusi wesikhathi esizako womBuso kaZimu, uJesu watjengisa izinto ezihle umBuso ozozenzela abantu bawo.—ISambulo 11:15.
Izinto ezenzeka ephasini zitjengisa bona umBuso kaZimu uzokufika msinyana. UJesu wabikezela bona ngaphambi kobana umBuso kaZimu ulethe ukuthula ephasini, iphaseli lizokuba nezipi, indlala, kunye nokusikinyeka kwephasi.—Matewu 24:3, 7.

Siyazibona izintwezo namhlanjesi. Yeke, singakholwa bona msinyana, umBuso kaZimu uzoyiphelisa yoke imiraro le.

ONGACABANGA NGAKHO

Kuzokuba njani ukuphila ngaphasi kokubusa komBuso kaZimu?

IBhayibheli iyawuphendula umbuzo lo kuRHUBO 37:29 naku-ISAYA 65:21-23.

Okhunye Ongakuthabela

IIMFUNDISO ZEBHAYIBHELI EZIQAKATHEKILEKO

Uyini UmBuso KaZimu?

Emsebenzinakhe wokutjhumayela, uJesu wafundisa ngomBuso kaZimu ukudlula nanyana ngiyiphi indaba. Sekuminyaka eminengi, abalandeli bakhe bathandazela umBuso loyo bona uze.