UKANI! N.° 1 2022 | Kansi Mungachite Tyani Kuti Mupilile Mavuto A Muli Ichi Chalo?
Pachukuya chuipila-ipila ichi chalo, sewo taŵanthu tukumana na mavuto osiyana-siyana amene owela chifukwa cha ngozi za chilengedwe komasoti zochita kuyambishiwa na ŵanthu. Onani vamungachite kuti mupilile mavuto amene aŵa komasoti kuti muliteteze na kuteteza okondewa ŵanu.
Kansi mungachite tyani kuti mupilile mavuto a muli ichi chalo?
Mukakumana na masoka, nkhalani okonzeka kuchitapo kanthu kuti muliteteze mwewo pamozi na banja yanu.
1 | Mukoteteza thanzi yanu
Mukoyeja-yeja kuteteza thanzi yanu, niye pamungakwanishe kulimba na mavuto.
2 | Mukosamala ndalama
Mukakatishila ntchito luweme ndalama zanu, muzakwanishe kupilila pa nthawe ya mavuto.
3 | Mukoteteza ushamwali wanu na ayanu
Ganizilani mfundo zamene zingakuyavyeni kuti muteteze banja yanu, azishamwali ŵanu, komasoti ushamwali wanu na ŵana ŵanu.
4 | Mukoteteza chiyembekezo chanu
Baibolo yutiyavya kulimbana na mavuto ndipo yutipasa chiyembekezo cha kusogolo.
Vili m’magazini ino ya Ukani!
Ŵelengangi nkhani zamene zingakuyavyeni mwewo pamozi na banja yanu kuti mupilile mavuto ŵakukumana nawo ŵanthu.
