1, 2. (a) Ke ntaba re ko ba re šupetsa gore re hlalefiye ho re yema ka lethokong la Jehova? (b) Ga hlogotaba yowa re nyoko tšhuta ka ying?

DI KWALA ka matla mo re mamarela ga Jehova. Aa šiyo wa go ba le matšhika, wa go hlalefa le wa go re nyaka ka matla go feta Modimo! Ke mang ho ga rune ye a sa nyakeng go ba ka lethokong la Modimo? (Pis. 96:4-6) Ba bangwana ba gore ke malata ya Modimo ba yye ba tekateka mo go segela nako ya gore ba tseye sepheto sa go yema le Jehova.

² Ga hlogotaba yowa, re nyoko bolabola ka batho ba bangwana bo ne ba tipotsa gore bona ba yema le Jehova mara ka thoko ba kene ba maka dilo tsa go mo kwatisa. Re nyoko tšhuta tsa go tlala howa ra boya ra gelepiwa gore re tshepegele Jehova ka go felegelela.

3. Ke ntaba Jehova a bolabodiye le Kayine, fote O mmotsiye gore king?

³ Tla re bolaboleneng ka Kayine. Ke mo a sa tipotsa gore o rapela modimo ye mongwana, ke mo a re o rapela Jehova. Mara morapelo wa Kayine ke mo o sa jabodisi Modimo. Ke mo go tlele tsa go bola ka ho pelong yage. (1 Joh. 3:12) Jehova o yye a botsa Kayine gore: “Nje o ra gore mo o ka fo maka tsa gabutši nka sa go nyake?  Mara mo o sa sokologe o ko di kweng ka gore sebe ke sosone se go ramele monyako, se go wonngwe, mara nje wene o ko se hlola?” (Gen. 4:6, 7) Gabutšibutši Jehova ke mo a botsa Kayine gore, “Mo o ka fo lesetsa tso o di makang ke mokane wa yema ka lethokong laka o sa thogathoge, le nna ke nyoko yema ka lethokong lago.”

4. Sekgala ke mo se bulegiye sa gore Kayine a yeme ka lethokong la Jehova, mara o yye a maka byang?

⁴ Jehova ke mo a ka kwana le Kayine mo a ka lukisa ditaba tsage. Mara Kayine aa theetsela mo ba mo kgala. Tso ke mo a di nagana le tso ke mo a di nabela ne di kekemme, a nyaka gore go kgotsofale yene, a šinya a sinya. (Jak. 1:14, 15) Go tlogisela mo a sa gola, a di šupetse nkare Kayine ke mo a di nagana tsa gore yene a ka mo jikela ga Jehova. Mara ke yenene o di makiye—o yye a fo womisa hlogo mo Modimo a bolabola naye, a tshwara yela wa bhuti wage a bolaya!

5. Jehova a ka thomisa go sa re jabolele mo re nagana dilo tsa mohlobo mang?

⁵ Mokreste lekgono a ka fo maka tsotsone tsa go tshwana le tsa Kayine, a maka dilo tsa go tšiba ke yene mara ka thoko a kene a re o rapela Jehova. (Juda 11) Mo re fo beyisa, o ka fo kraya motho a kwana le go nagana dilo tsa maroga, go nyaka go ghanya, kela a fo kwa a nyenya mogageru wa Mokreste. (1 Joh. 2:15-17; 3:15) Menagano yone yi ka maka gore motho a segele le ho a sinyang ka matla. Motho yene o ka kraya a dula a ya tšhomong le megahlanong, le mo a kene a nagana dilo tsa mošaga wonone. Batho ba bangwana ba ka fo ba ba sa di bone tso re di naganneng kela maphelelo ya rune, mara Jehova yene wa di bona ka mokana ga tsona, fote mo re sa mmerekele di tšwa pelong, o di bonne botala.—Bala Jeremiya 17:9, 10.

6. Jehova o re gelepa byang gore “re thogo hlola” dilo tsa go befa tso di re gomeleng ho re dula re le ka lethokong lage?

⁶ Mara Jehova o re lefisela pelo. Mo motho a thomisa go keketlela ku kgole le Modimo, Jehova o re gage: ‘Sologa o tle ho gaka, le nna ke nyoko šutela gago.’ (Mal. 3:7) Ka matlamatla mo re hlopa ke go fo kraya re makiye dilo tsa go tšwa pateng, Jehova o nyaka gore re kganele kgole le tsa go befa. (Jes. 55:7) Mo re ka maka tsotsone, le yene o nyoko šupetsa gore o na le rune ka go re neya matšhika ya go tiyisela ga tso tsa Modimo, ra tikwa re le gabutši mo re kene re phela gore “re thogo hlola” dilo tsa go befa tso di re gomeleng.—Gen. 4:7.

7. Di jikiye kaye tsa gore Jehova a sa sa kwana le Solomoni?

⁷ Re ka tšhuta tsa go tlala ga Kgoši Solomoni. Mo Solomoni a sa gola, ke mo a kgopela Jehova gatleletlele gore a mo yetetse. Modimo o mo hlalefisiye ka matla a boya a re a yage tempele ya majabajaba ya Jerusalema. Mara Solomoni o yye a sa sa tšhayisana le Jehova. (1 Mag. 3:12; 11:1, 2) Molawo wa Modimo ke mo o rakela kgoši ya Leheberu gore “yi titseyele basadi ba go tlala, gore pelo ya yona yi sa keketlele.” (Dot. 17:17) Solomoni aa theetsela, o feleletsiye a tsere 700 ya basadi. Ka ho ntlong yage o yye a leya metlabo ye mengwana 300 ya yona. (1 Mag. 11:3) Basadi bage ba go tlala ke mo go se Maisrayele, ke mo ba rapela medimo ya matsaka. Byalo Solomoni le yene o yye a jikela Modimo, a sa sa theetsela molawo wage wa gore ke mo o rakela gore a sa nyale basadi ba ka tawong.—Dot. 7:3, 4.

8. Solomoni o kwatisiye Jehova go segela kaye?

⁸ Solomoni o lesetsiye melawo ya Jehova ka gonyana ka gonyana, a feleletsa a goromele go gongwana ga go sa hlayisege. Solomoni o yye a yagela modimo wa mosadi ye ba reng ke Asitherothe aletara ke mokane ye nngwana a yagela modimo wa matsaka ye ba reng ke Kemoshe. O napiye a thomisa go rapela medimo yone a na le basadi bone bage. Ga dipoleke  ka mokana ga tsona tso a di tšibang, o f’lo hlawola thaba ya gore ke mo yi fo ba gana ho mahlong ga Jerusalema, a yaga ga yona dialetara tsoneng tsage, thina le mo a yyeng a yagela Jehova tempele! (1 Mag. 11:5-8; 2 Mag. 23:13) Kela Solomoni yewa ke mo a titshokannye ka go fo nagana gore mo a ka fo ya mahlong a tšhuba dihlabelo ku tempeleng, Jehova o ko fo mo lesetsa le mo a tlola molawo wage.

9. Taba ya Solomoni ya go sa theetsele Modimo yi felele kaye?

⁹ Mara Jehova tsa go befa o yakgoswa a di bona. Baebele yi re: “Jehova o yye a kwatisa ke Solomoni ka matla, ka taba la gore pelo yage ke mo yi keketlela ku kgole le Jehova . . . , ye a yyeng a nyarela gage gabedi a tl’le mmotsa ka yona taba yonowa, a mmotsa gore a sa latelele medimonyana yone. Mara aa theetsela tso Jehova a di bolabodiyeng.” Jehova le yene o yye a napa a mo lesetsa. Bo ba yyeng ba belegiwa ka nthago ga Solomoni ba krayye mmušo wa Israyele o sa mamarelana ba boya ba tlela ke dilo tsa go baba tsa go tlala, tsa tlela le bana ba bana ba bona.—1 Mag. 11:9-13.

10. Re ka maka king gore tsa rune le Jehova di šaše?

¹⁰ Re ya tšhuta mo ga Solomoni gore go nghanelana le batho ba gore a ba kwisisi kela a ba hlompe melawo ya Jehova, go ntsha motho seporong, a napa a keketlela ku kgole. Ba bangwana ba ka šupetsa nkare ba gahlanela gabutši mara ba kene ba tekateka ka ho ga tsa Modimo. Ba bangwana o kraya go le mašaga, bayagelani, bo re berekang nabo kela bo re kenang nabo sekolo ba gore a ba rapele Jehova. Ba yye ka mehlobohlobo, mara mo nkare bo re nghanelanang nabo a ba nyake Jehova le melawo yage, ba ka fetsa ba makiye gore tsa rune le Modimo di šaše.

11. Re ka bona ka ying gore motho a yi wa go nghanelana naye?

¹¹ Bala 1 Makorente 15:33. Batho ba go tlala ba gabutši, fote ba gona ba bangwana ba gore a yi dihlatse mara maphelelo ya bona a ma tshwatisi. Mo nkare batho bo o ba tlwayeleng ba ka mokg’onone, nje di rela gore o nghanelane nabo? Tiputsise gore go nghanelana nabo go nyoko se maka ying senghana sago le Jehova. Nje ba ko maka gore se gole? Go na le ying ka ku teng ga dipelo tsa bona? Mo re fo beyisa, ayitsano ga go tlala ba bolabola ka fešeni, tšheleta, direkarekane, tsa go tijabodisa kela dilo tso ba nyakang go di segelela tsa lefase lo? Nje tso ba di bolabolang ka ba bangwana a di ya kekema kela tsa go kraya go le maroga? Jeso o f’lo yi beya a sa jikajiki a re: “Molomo wo bolabola tso di tleleng ka ku pelong.” (Mat. 12:34) Mo nkare wa di bona tsa gore banghana bago ba ka šinya ba sinya senghana sago le Jehova, napa o ro poma senghana sone kela o nape o se lesetsa.—Diy. 13:20.

12. (a) Jehova o kgahlisele taba ya gore king ga Maisrayele nakwela go se botala ba tšwile Egepita? (b) Maisrayele ma yye ma re king ga taba yo Jehova a yi nyakang ya gore ba tineyele gage ba felegelele?

¹² Re ka tšhuta tse dingwana ga tso di makegiyeng ga Maisrayele nakwela ba tšwa Egepita. Batho ba yye ba gahlana ku thina ga Thaba ya Sinayi. Gana hone Jehova o yye a tišupetsa gore ka nnete o gona. Go yye gwa nyarela liru le lengwana la mohlolo le lephifadu. Jehova o yye a teyanya maduma, magadima, gwa tupa le mmuši, gwa kwala go rasa phalafala yi sa fetse. (Ek. 19:16-19) Gana hone, Jehova o yye a botsa Maisrayele gore ke yene “Modimo ye a nyakang re tineyela gage re felegelele.” O yitseri yene o nyoko tshepega ga bo ba mo nyakang fote ba latela melawo yage. (Bala Eksoda 20:1-6.) Gabutšibutši Jehova ke mo a botsa batho bage gore, “Mo le ka fo dula le le ka lethokong laka, le nna ke nyoko dula ke le ka lethokong la lune.” Wene o ka tikwa byang mo Jehova Modimo a ka fo go tshepisa ka mokg’onone gore o nyoko go tshepegela? Nnete le wene o nyoko maka tso Maisrayele ma di makiyeng. Ba “fetodiye magahla ba re: ‘Ka mokana ga tsona tso Jehova a di hlayyeng, re ko di makeng.’” (Ek. 24:3) Mara go se botala, go yye gwa makega selo se sengwana sa go phiriketsa Maisrayele gore di bonale gore nje ba ka tshepega.

13. Maisrayele ma makiye king gore ma thomise go tekateka?

¹³ Maisirayele ma tshusiye ke liru le lephifadu, legadima, le tse dingwana tsa go makatsa tsa go tšwa ga Modimo. Ba kgopele Moše gore a ba bolabolelele le Jehova ku Thabeng ya Sinayi, le yene a dumela. (Ek. 20:18-21) Moše o yye a ya ku gedimo ga thaba, a napa a ya takataka. Nje Maisirayele ke mo di ma hlopa tsa gore mowokamedi ye ma mo tshepang aa šiyo? Di šupa nkare batho bowa ke mo ba jabola mo ba bona Moše a le ho thina. Ba yye ba thomisa go šekela ke mokane ba re ga Arone: “Re makele Modimo wa gore a re yetetse, ka gore a re di tšibi tsa gore yela ba reng ke Moše o ro maka byang, yenela wa gore ke mo a re yetiye mahlong mo re tšwa ga naga ya Egepita.”—Ek. 32:1, 2.

14. Maisrayele ma yye ma titshokanya ka ying, mara Jehova o yye a re king?

¹⁴ Batho bowa ke mo ba di tšiba gabutši tsa gore go rapela dithombhe, ga Jehova di mo silikisa ka matla. (Ek. 20:3-5) Mara a gwa ba tseya nako, ba thomisa go rapela senamane sa gholdi! Maisrayele yawa ma yye ma fo tiwomisa dihlogo ka bomu, mara ke mo ma fo titshokanya ma tseya gore ga Jehova ma sa na ma mo jabodisa. Arone le yene o šinnye a re mo ba kene ba rapela senamane sela, ba “makele Jehova monyanya”! Jehova o yye a tikwa byang? O f’lo kwa ba mo tinisiye. Jehova o butsiye Moše gore batho bowa “ba phukuluganne dithileng” fote “ba lesetsiye pata yo [A] ba butsiyeng gore ba sepele ga yona.” Jehova “ke mo a kwatiye ka matla,” a šinya a nyaka le go ba psyitlanya, le mo yi le gore ke mo go le setšhaba sa nyuwane sa Israyele.—Ek. 32:5-10.

15, 16. Moše le Arone ba šupetsiye ka ying gore a ba thogathoge ka ho lethokong la Jehova? (Lebelela sethombhe sa ku mathomisong.)

¹⁵ Jehova o yye a yi lesetsa yone ya go psyitlanya Maisrayele. Ka taba la gore a ba kwele go baba, ba bangwana ba go tshepega ba yye ba yema ba tiyye ka thoko gage. (Ek. 32:14) Mo Moše le yene a di bonne gore phela batho bowa ba fokogiye—ba yahlamela, ba yepelela, ba boya ba ro bina ba le ho mahlong ga senamane sela—o yye a pshayanya senamane sela sa gholdi gwa šala go le lewuta. Ke mokane a ba butsisa gore: “Ba gore ba yemme ka lethokong la Jehova ke bafeng? Tlaneng ho ga ka!” Ke mokane, “Malifi ka mokana ga wona ma ya ma bonghelela” Moše.—Ek. 32:17-20, 26.

¹⁶ Arone ke mo a le gona nakwela go makiwa senamane sela, mara o yye a tisola a yema ka lethokong la Jehova le Malifi yala. Batho bowa ba go tshepega ke mo ba yema ka lethokong  la Modimo fote ke mo ba nyaka go tithokola ga batho bo ke mo ba maka tsa go befa. Ke mo ba hlalefiye wa tšiba; ba go tlala ba yye ba kgwa ka letšatši lone ka taba la go rapela medimo ya dithombhe. Mara bo ba yyeng ba yema ka lethokong la Jehova ba yye ba tshepisiwa gore ba nyoko rufiwa.—Ek. 32:27-29.

17. Re tšhuta ying ga tsela Pawulo a di hlayyeng mo a bolabola ka senamane sa gholdi?

¹⁷ Mopostola Pawulo o bolabodiye ka senamane sela sa gholdi a re: “Dilo tsowa di makegiye gore re tšhute ga tsona, gore le rune re sa . . . rapele dithombhe, go tshwana le bala ba bangwana. [Dilo tsowa] di ngwadiwwe gore rune ba gore re phela ga dinako tsowa tsa mafelelo re hlahlame. Byalo wa gore o re yene o yemme, a bone a sa tšhoge a wile.” (1 Makor. 10:6, 7, 11, 12) Pawulo wa resa, le bo go leng barapedi ba mannete ba ka kraya ba goromele ga dilo tsa go sa loka. Bo ba gore ba fo tilisetsa ba tlungwelanya ga dilo tsa go ba woka ba ka fo tseya nkare ga Jehova ba kene baa mo jabodisa. Mara nnete ke gore mo motho a re wa di nyaka go ba monghana wa Jehova kela a tipotsa gore yene wa tshepega, a di rele gore Jehova ka nnete wa mo yamogela.—1 Makor. 10:1-5.

18. Re ka maka king gore re keketlele ku kgole le Jehova, fote sosone se ka feleletsa ka ying?

¹⁸ Maisirayele ma yye ma šekela mo ma bona Moše a sa yakgoswe a sologa ku Sinayi, le Makreste lekgono ma ka šekela mo ma bona nkare Jehova aa yakgoswe a yahlola lefase fote lefase la nyuwane le lona a le tšhetšhisi le segela. Di ka šupetsa nkare dilo tsowa a di tshepisiyeng di nyoko makega go šele go le botala kela le ka tšatši ka lloši di ka sa makege. Mo re ka fo ya mahlong re kene re nagana tsotsone, re ka tšhoga re lebele go maka tso Jehova a di nyakang, wa kraya re lelekisana le tso di nabelang ke rune. O ka kraya re šele re thomisa go keketlela ku kgole le Jehova, ra šinya re maka le dilo tsa gore ke mo re ka sa di make mola re phela gabutši ga tso tsa Modimo.

19. Nnete ya gore a di nyake re yi lebala ke yifeng, fote ka taba la ying?

¹⁹ Re sa lebale phela gore Jehova o nyaka re mo kwa ka dipelo tsa go felegelela fote le mo re tineyela gage, re nape re ro felegelela. (Ek. 20:5) Mo re thomisa go keketlela ku kgole le borapedi bya Jehova, gabutšibutši re ba re šele re berekela Sathane, fote re nyoko logela marageng. Pawulo ke mo a di tšiba tsotsone, a šinya a re gopotsa gore: “Le ka sa nwe ka komitši ya Jehova le ka komitši ya madimona; le ka sa jele ‘tafoleng ya Jehova’ le tafoleng ya madimona.”—1 Makor. 10:21.

20. Jehova a ka re gelepa byang le mo re ka fo ba re šele re tšwile seporong?

²⁰ Ditaba tsa Baebele tsa go bolabola ka Kayine, Solomoni le Maisrayele mo ba le ku Thabeng ya Sinayi di ya tshwana hala le hala. Batho bowa ke mo ba ka “tisola . . . ke mokane ba sokologa.” (Meber. 3:19) Mo motho a thomisa go tšhotšhomela mašahleng, Jehova aa yakgoswe a mo lahla. Jehova ga Arone o yye a mo tshwarela. Lekgono, Jehova a ka re kgala ka Baebele, dipuku tsa go bolabola ka Baebele kela a berekisa Mokreste ye mongwana gore a re yetetse. Mo re ka fo theetsela mo re pasopisiwa, Jehova o nyoko re kwela.

21. Di nyaka re karakarele go maka ying mo re bona nkare a re sa napa re tshepega ga Jehova?

²¹ Jehova mo a re tshwara gabutši go na le se sebutši so a se bonang. (2 Makor. 6:1) Sosone se bula sekgala sa gore “re gane tsa go sa yelane le Modimo le tso di nabelang ke lefase lo.” (Bala Tito 2:11-14.) “Ga dilo tsa lefase lowa,” re sa nyoko gahlana natso tsa go re phiriketsa mo re kene re leketsa go šupetsa gore re tineyele re felegelele ga Jehova. Tla re tipotseneng barena gore re nyoko yema ka lethokong lage re sa tekateke, ka taba la gore ‘Jehova Modimo wa rune, ke yene ye di nyakang re mo tšhabe, fote di nyaka re ro napa re mo mamarela’!—Dot. 10:20.