Ke ntaba re berekisa lebitso la Jeso mo re rapela?

JESO ke mo a tšhutisa ka matla ka thapelo. Ka dinako tsage, baruti ba Majuda ke mo ba rapela “mo go gahlanang dipata.” Ke ntaba ba yye ba maka ka mokgonone? Taba ke gore “ne ba nyaka go bona ke batho.” Di fo ba lekgwaying gore ne ba nyaka gore ba ba bone gore bona baa rapela, a ba kgane. Ba go tlala ne ba rapela dithapelo tsa go lefa, ba boyelela dilo tsa go tlala gatleletlele, tsa nkare kela “mo ba berekisa mantsu ya go tlala” ke gona mo Modimo a nyoko go ba kwa. (Matewu 6:5-8) Jeso o napiye a ba šupetsa gore a baa tshwara yona, a boya a gelepa batho ba go loka gore ba tshwanele go rapela byang le gore king tso ba sa tshwanelang go di maka mo ba rapela. Mara aa fo ba tšhutisa gore a baa tshwanela go rapela byang.

Jeso o tšhutisiye gore dithapelo tsa rune di tshwanele go kwagala gore re nabela ka matla go bona lebitso la Modimo le gadimisiwa, gore re nyaka Mmušo Wage wo tle le gore go makege tso Yene a di nyakang. Jeso o tšhutisiye gore di gabutši go kgopela Modimo gore a re gelepe ka dilo tso di re hlupang. (Matewu 6:9-13; Luka 11:2-4) Jeso o berekisiye mešupetso mo a tšhutisa gore re tshwanele go ba le tumelo, re sa lahle tewu fote re tinyanafatse mo re nyaka gore Modimo a kwe dithapelo tsa rune. (Luka 11:5-13; 18:1-14) Fote tso ne a di tšhutisa ke mo a di maka.—Matewu 14:23; Mareka 1:35.

Di fo ba lekgwaying gore tso a di hlayyeng di gelepiye malata yage gore ma rapele gabutši. Mara le mo go le sone, Jeso o yye a yemela go segela bošego bya mo ba tl’le mmolayeng gore a botse malata yage gore ma rapele ka mokgo mang.

“Mokgwa wa Nyuwane wa Gabutši wa go Rapela”

Bošegong bya mo Jeso ba šele ba nyoko mmolaya o yye a fetsa nako ya go lefa a tiyisa mapostola yage ya go tshepega. Ke mo go le nako ya gabutši ya go nyaretsa taba ya nyuwane. Jeso o yitseri: “Ke nna tsela, nnete le lephelo. Aa šiyo ye a ka tlang ga Papa mo go se ka nna.” Ka nthagonyana o ba tshepisiye se sengwana a re: “Fote so le se kgopelang ka lebitso laka, ke nyoko se maka, gore Papa a gadimisiwe ka taba la Morwayi. Se sengwana le se sengwana so le se kgopelang ka lebitso laka, ke nyoko se maka.” Ke mokane mo a šele a fetsa go bolabola a re: “A le soko kgopela selo ka lebitso laka go segela gana byalo. Kgopelaneng, ba nyoko le neya gore le jaboleneng ka matla.”—Johane 14:6, 13, 14; 16:24.

Mantsu yawa ke mo ma makatsa. Puku ye nngwana mo yi hlatolla taba yowa yi re ke “mokgwa wa nyuwane wa gabutši wa go rapela.” Jeso ne a sa nyake gore dithapelo tsowa di tle gage mara di ye ga Modimo. Ke mo a kgora tsela ya nyuwane ya go šutela thina le Jehova Modimo.

Nnete ke gore Modimo ke botala a kene a theetsela dithapelo tsa batho bage ba go tshepega. (1 Samuwele 1:9-19; Pisalema 65:2) Mara, go tlugisela ka nako ya mo Israyele go ba setšhaba sa Modimo, batho ka mokana ga bona bo ne ba nyaka gore Modimo a theetsele dithapelo tsa bona, ne ba tshwanele ba di tšibe tsa gore Israyele ke setšhaba so Modimo a se kgetiyeng. Ke mokane ka nthago, go tlugisela ka dinako tsa Solomone, ne ba tshwanele ba di tšibe gore tempele ke poleke ya Modimo ya go hlawolega ya go makela dihlabelo ga yona. (Dotoronoma 9:29; 2 Dikoronika 6:32, 33) Mara mokgwa wowa wa go rapela ke mo go le wa nakonyana. Go ya ka mokgo Pawulo wa lepostola a hlayyeng, Molawo wo ne ba wo neyye Maisrayele le dihlabelo tso ne ba di maka tempeleng ke mo di tshwanisela “dilo tsa gabutši tso di nyoko tlang, mara dilo tsone a yi wona Molawo.” (Maheberu 10:1, 2) Dilo tsone tsa go tshwanisela ke mo di yemela dilo tsa gabutši tso di nyoko tlang. (Makolosi 2:17) Go tlugisela ka 33 C.E., mo motho a ba le senghana le Jehova ne di sa nyake gore a letelele Molawo wa Moše. Ne di nyaka gore a theetsele ye a kgetiyeng ke Molawo, go leng Kreste Jeso.—Johane 15:14-16; Magalata 3:24, 25.

Lebitso “Gare ga Mabitso”

Jeso o tšhutisiye mokgwa wo mongwana wa go rapela Jehova wa mayemo ya gedimo, a bolabola ka yenemong gore ke yene monghane wa go ba le matšhika, wa go maka gore Modimo a kwe dithapelo tsa rune. King sa go maka gore Jeso a šinye a re makele selo sa mošaga wowa?

Ka taba la gore rune re belegiwwe re sa yenela ho mmeleng, le mo re ka maka dihlabelo kela ra maka ying, a di kgonege gore re sule go sa yenela ho ga rune kela dya maka gore re be le senghana sa gabutši le Jehova Modimo. (Maroma 3:20, 24; Maheberu 1:3, 4) Mara Jeso o neyele ka lephelo lage la go felegelela a re patelela tso re di sinnyeng gore re boyelane le Modimo. (Maroma 5:12, 18, 19) Byalo bo ba nyakang go ba thina le Modimo le ‘go bolabola ba lokologiye,’ di nyaka gore ba dumele ga sehlabelo sa Jeso fote ba rapele ka lebitso lage gore mo Jehova a ba lebelele, a ba bone ba yediye mahlong gage.—Maefeso 3:11, 12.

Mo re rapela ka lebitso la Jeso re šupetsa gore re na le tumelo ga dilo tsowa ka diraro: (1) Ke “Nku ya Modimo,” fote sehlabelo sage se makiye gore Modimo a re tshwarele ga tso re di sinnyeng. (2) Ke mo a kgwile, Modimo a mo tsosa, gana byalo ke “moprista ye mogolo” fote ke yene a makang gore sehlabelo sage se berekele batho ka mokana ga bona. (3) Ke yene a ntoši wa gore ke “tsela” ya rune ya go rapela Modimo.—Johane 1:29; 14:6; Maheberu 4:14, 15.

Mo re rapela ka lebitso la Jeso re ya mo hlompa. Taba yone yi gabutši ka matla ka taba la gore so Jehova a se nyakang ke gore batho “ba kgotame ka lebitso la Jeso . . . , fote ye mongwana le ye mongwana a sabalatse gore Jeso Kreste ke Morena gore go thogo gadimisiwa Modimo wa gore fote ke Papa.” (Mafilipi 2:10, 11) Taba ye nngwana ye kgolo ke gore mo re rapela ka lebitso la Jeso, re gadimisa Jehova, yene wa gore o neyele ka Morwayi wage gore a re lepolle.—Johane 3:16.

Bhayibele yi berekisa mabitso ya mohlobohlobo mo yi bolabola ka Jeso, gore re thogo kwisisa mayemo yage. Sosone se re gelepa gore re thogo bona ka mokgo re rufiwweng ka gona ka taba la tso Jeso a re makeleng tsona, le tso a re makelang tsona gana byalo le tso a tl’le di makang ku mahlong. (Lebelela lebhokisi la hlogotaba ya gore “ Mmereko wo Mogolo wa Jeso,” ga lephephe 14.) Ke nnete gore Jeso ba mo neyye “lebitso gare ga mabitso.” a Fote ke yene ba mmeyyeng gore a Lawole dilo ka mokana ga tsona legedimong le lefaseng.—Mafilipi 2:9; Matewu 28:18.

Taba ya go Rapela ka Lebitso la Jeso a di Nyake re yi Makela Moyano

Mo re nyaka gore Jehova a theetsele dithapelo tsa rune di nyaka re rapele ka lebitso la Jeso. (Johane 14:13, 14) Mara a di nyake re hlaya mantsu ya gore “ka lebitso la Jeso” nkare re ya kgana. Ke ntaba re reyane?

Tseya ka mošupetso ke wowa. Mo o kraya borifi bya go tšwa ga motho wa dibhizinisi, ga go tlala ku mafelelong ga lona o kraya le na le mantsu ya gore “wa lune sepherepetšane.” Ayitsano mantsu yane ma napa ma šupetsa gore motho ye a ma ngwadiyeng wa resa kela go fo ba go le mokgwa wa gona wa go kwala borifi? Di ya šupetsa gore le rune di nyaka mantsu ya gore ka lebitso la Jeso, re ma hlaye re resa mo re rapela. Mo nkare re nyaka go “dula re rapela” di nyaka re make ka mokgonone ‘ka dipelo tsa rune di felele,’ re sa fo lla solanka.​—1 Mathesalonika 5:​17; Pisalema 119:145.

O ka maka byang gore o sa tikraye o berekisa mantsu ya gore “ka lebitso la Jeso” mara di sa tšwe pelong? Ke ntaba o sa ghayele ka mekgwa ya Jeso ya go bafala? Nagana ka tso a nyakang go go makela tsona le tso a šeleng a di makiye. Mo o rapela, o thanake Jehova ka taba yo a yi makiyeng ya go berekisa Morwayi wage. Mo o maka ka mokgonone, o nyoko napa o tshepa tso Jeso a re tshepisang tsona mo a re: “Se sengwana le se sengwana so le se kgopelang ga Papa ka lebitso laka, o nyoko le neya sona.”​—Johane 16:23.

[Tsa ku tlase]

 [Monopo]

Di nyaka re rapele ka ‘ka dipelo tsa rune di felele,’ re sa fo lla solanka

 [Lebhokisi]

 MMEREKO WO MOGOLO WA JESO

Gore o thogo kwisisa mmereko wa Jeso gabutši, lebelela ka mokgo ne ba mo hlatolla ka gona, mayemo le mabitso ya ne ba ma berekisa gage.

Amene.—2 Makorente 1:19, 20; Kutullo 3:14.

Lepostola.—Maheberu 3:1.

Moyemedi ye Mogolo wa Lephelo.—Mebereko 3:15.

Kreste/Mesiya.—Matewu 16:16; Johane 1:41.

Papa wa go ya go Yye.—Jesaya 9:6.

Hlatse ya go Tshepega.—Kutullo 1:5.

Wa go Disa wa Gabutši.—Johane 10:11.

Hlogo ya Phutego.—Maefeso 5:23.

Moprista ye Mogolo.—Maheberu 4:14, 15.

Imanuwele.—Matewu 1:23.

Wa go Yahlula.—Mebereko 10:42.

Kgoši.—Kutullo 11:15.

Nku ya Modimo.—Johane 1:29.

Adamo wa Mafelelo.—1 Makorente 15:45.

Moyetamahlong.—Matewu 23:10.

Morena.—Johane 13:13.

Wa go Gahlanisa.—1 Thimothi 2:5.

Mayikhele Ndhuna ya Mangeloyi.—1 Mathesalonika 4:16; Juda 9.

Modimo wa Matšhika.—Jesaya 9:6.

Kgoši ya go Beba.—Jesaya 9:6.

Wa go Phonisa.—Luka 2:11.

Morwayi wa Modimo.—Johane 1:34.

Morwayi wa Motho.—Matewu 8:20.

Thitšere.—Johane 13:13.

Lentsu.—Johane 1:1.

Wa go Yeletsa Gabutši.—Jesaya 9:6.

 [Dithombhe]

[Dithombhe]

[Dithombhe]