Lefitiko 12:1-8
-
Go hlwekišwa ka morago ga go ba le ngwana (1-8)
12 Jehofa a tšwela pele a bolela le Moshe a re:
2 “Botša Baisiraele o re: ‘Ge e ba mosadi a ka ima gomme a belega ngwana wa mošemane, gona e tla ba yo a sa hlwekago ka matšatši a šupago, e tla ba yo a sa hlwekago go swana le ge a bona kgwedi.
3 Ka letšatši la seswai ngwana yoo o tla bolotšwa.
4 Mosadi yoo a fetše matšatši a mangwe a 33 a le ka gae go fihlela a hlwekile. A se ke a kgwatha selo le ge e le sefe se sekgethwa, le gona a se ke a tsena lefelong le lekgethwa go fihlela a hlwekile.
5 “‘Ge e ba a ka belega ngwana wa ngwanenyana, gona mosadi yoo e tla ba yo a sa hlwekago ka matšatši a 14, go swana le nakong ya ge a bona kgwedi. O tla dula e le yo a sa hlwekago ka matšatši a 66.
6 Ke moka ge go fela matšatši a gore mosadi yoo a itlhwekiše ka morago ga ge a belege ngwana wa mošemane goba wa ngwanenyana, a tliše nku e tona ya ngwaga o tee ya sebego sa go fišwa le leebana goba leeba la nageng la sebego sa sebe. A di tliše go moperisita mojakong wa taberenakele.
7 Moperisita a tliše dibego tšeo pele ga Jehofa, a direle mosadi yoo sehlabelo* gore Modimo a mo lebalele gomme e tla ba yo a hlwekilego go Modimo ka baka la madi ao a tšwelego go yena. Wo ke molao wa mabapi le mosadi yo a belegago ngwana wa mošemane goba wa ngwanenyana.
8 Eupša ge e ba a sa kgone go tliša nku, gona a tliše maeba a nageng a mabedi goba maebana a mabedi, le lengwe e be la sebego sa go fišwa le lengwe e be la sebego sa sebe, gomme moperisita a mo direle sehlabelo, ke moka e tla ba yo a hlwekilego.’”
Mengwalo ya tlase
^ Goba “poelano.”
