Kodi Baibulo Mumalikhulupirira?
Kodi mumaliona kuti ndi . . .
-
buku la nzeru za anthu?
-
buku la nthano?
-
Mawu a Mulungu?
ZIMENE BAIBULO LIMANENA
“Malemba onse anauziridwa ndi Mulungu.”—2 Timoteyo 3:16, Baibulo la Dziko Latsopano.
KODI ZIMENEZI ZIKUTANTHAUZA CHIYANI?
Zikutanthauza kuti mungapeze mayankho ogwira mtima a mafunso ofunika kwambiri pa moyo wanu.—Miyambo 2:1-5.
Mungapeze malangizo odalirika othandiza pa moyo wa tsiku ndi tsiku.—Salimo 119:105.
Mungakhale ndi chiyembekezo chenicheni cha m’tsogolo.—Aroma 15:4.
KODI ZIMENE BAIBULO LIKUNENAZI TINGAZIKHULUPIRIREDI?
Inde, tingazikhulupirire pa zifukwa zitatu izi:
-
Nkhani zake n’zogwirizana mochititsa chidwi. Baibulo linalembedwa zaka zoposa 1,600 ndi anthu osiyanasiyana okwanira 40. Ambiri mwa anthu amenewa, sanaonane n’komwe. Komabe Baibulo lonse ndi logwirizana ndipo lili ndi nkhani yaikulu imodzi.
-
Olemba Baibulo analemba moona mtima. Anthu olemba nkhani nthawi zambiri amakonda kubisa zinthu zina zimene zinachitikira anthu amtundu wawo monga kugonja pa nkhondo. Koma anthu olemba Baibulo analemba moona mtima zolephera zawo ndi za anthu a mtundu wawo.—2 Mbiri 36:15, 16; Salimo 51:1-4.
-
Nthawi zonse maulosi a m’Baibulo amakwaniritsidwa. Baibulo linaneneratu za kuwonongedwa kwa mzinda wakale wa Babulo kutatsala zaka 200 kuti izi zichitike. (Yesaya 13:17-22) Linafotokoza mmene mzindawo udzawonongedwere komanso munthu amene adzatsogolere asilikali okawononga mzindawo. —Yesaya 45:1-3.
Maulosi ena ambirimbiri anakwaniritsidwa moti chilichonse chimene chinanenedwa m’maulosiwo chinachitikadi. Izi n’zimene tingayembekezere kuchokera m’Mawu a Mulungu.—2 Petulo 1:21.
GANIZIRANI MFUNDO IYI
Kodi Mawu a Mulungu angakuthandizeni bwanji pa moyo wanu?
Baibulo limayankha funso limeneli pa YESAYA 48:17, 18 ndi pa 2 TIMOTEYO 3:16, 17.
Mwina Mungakondenso Kudziwa Izi
KUYANKHA MAFUNSO A M’BAIBULO
Kodi Baibulo N’chiyani?
Yambani kufufuza za uthenga wochititsa chidwi wotchedwa mawu a Mulungu.
KUYANKHA MAFUNSO A M’BAIBULO
N’chiyani Chingakuthandizeni Kumvetsa Baibulo?
Kaya ndife anthu otani, tikhoza kumvetsa uthenga wa Mulungu umene uli m’Malemba Opatulika.
KUYANKHA MAFUNSO A M’BAIBULO
Kodi Ulosi Umatanthauza Chiyani?
Kodi ulosi uliwonse wochokera kwa Mulungu umaneneratu zam’tsogolo? Ayi, osati nthawi zonse.
MFUNDO ZOFUNIKA ZA M'BAIBULO
Kodi Tingadziwe Bwanji Kuti Baibulo Limanena Zoona?
Ngati Baibulo linachokeradi kwa Mulungu, ndiye kuti liyenera kukhala losiyana kwambiri ndi mabuku ena onse.
ZOKHUDZA IFEYO
N’chifukwa Chiyani Tiyenera Kuphunzira Baibulo—Vidiyo Yathunthu
Baibulo likuthandiza anthu ambirimbiri padziko lonse lapansi kupeza mayankho a mafunso ofunika kwambiri. Kodi inunso mungakonde?
ZOKHUDZA IFEYO
Pemphani Kuti Tidzakuyendereni
Mutha kukhala ndi mwayi wokambirana nkhani inayake ya m’Baibulo kapena kudziwa zambiri zokhudza Mboni za Yehova.
