Kodi Ufumu wa Mulungu Ndi Ciani?
Kodi mungayankhe kuti ndi . . .
-
cinacake cimene cili mumtima wanu?
-
mau okuluwika?
-
boma lakumwamba?
ZIMENE BAIBULO LIMANENA
“Mulungu wakumwamba adzakhazikitsa ufumu umene sudzaonongedwa ku nthawi zonse.”—Danieli 2:44, Baibulo la Dziko Latsopano.
“Ife tapatsidwa mwana wamwamuna, ndipo paphewa pake padzakhala ulamulilo [kapena kuti boma].”—Yesaya 9:6.
UBWINO WOKHULUPILILA ZIMENEZI
-
Mudzasangalala ndi boma lolungama limene lidzakupindulitsani inuyo panokha.—Yesaya 48:17, 18.
-
M’dziko latsopano limene likubwelalo, mudzakhala ndi thanzi labwino ndiponso mudzakhala wacimwemwe.—Chivumbulutso 21:3, 4.
KODI TINGAKHULUPILILEDI ZIMENE BAIBULO LIMANENA?
Inde, pa zifukwa ziŵili izi:
-
Yesu anaonetsa zimene Ufumu wa Mulungu udzacita. Yesu anaphunzitsa otsatila ake kupemphela kuti Ufumu wa Mulungu ubwele ndi kuti cifunilo ca Mulungu cicitike padziko lapansi. (Mateyu 6:9, 10) Yesu anaonetsa mmene pemphelo limeneli lidzayankhidwila.
Pamene anali padziko lapansi, Yesu anadyetsa anjala, anacilitsa odwala, ndi kuukitsa akufa. (Mateyu 15:29-38; Yohane 11:38-44) Popeza kuti Yesu ndiye Wolamulila mu Ufumu wa Mulungu, iye anasonyezelatu zimene Ufumuwo udzacitila nzika zake.—Chivumbulutso 11:15.
-
Zimene zikucitika padziko lapansi ndi umboni wakuti Ufumu wa Mulungu udzabwela posacedwapa. Yesu ananenelatu kuti padziko lapansi padzakhala nkhondo, njala, ndi zivomezi, Ufumu wa Mulungu ukatsala pang’ono kubweletsa mtendele.—Mateyu 24:3, 7.
Zinthu zimenezi tikuziona masiku ano. Conco tili ndi cikhulupililo kuti Ufumu wa Mulungu udzacotsa mavuto onsewa posacedwapa.
GANIZILANI FUNSO ILI
Kodi moyo udzakhala wotani mu Ufumu wa Mulungu?
Baibulo limayankha funso limeneli pa SALIMO 37:29 ndi pa YESAYA 65:21-23.
Mungakondenso Izi
ZIPHUNZITSO ZOFUNIKA ZA M'BAIBO
Kodi Ufumu wa Mulungu N’ciani?
Pa utumiki wake wonse, Yesu anaphunzitsa kwambili za Ufumu wa Mulungu kuposa nkhani ina iliyonse. Otsatila ake akhala akupemphela kuti Ufumuwo ubwele kwa zaka zambili.
NSANJA YA MLONDA
Kodi Ufumu wa Mulungu Udzacita Zotani?
Yesu anali kudziŵa kuti Ufumu wa Mulungu wokha ndilo boma limene lidzacotsapo mavuto padzikoli. Kodi Ufumu wa Mulungu wacita kale zotani potithandiza kukhala wotsimikiza za zimene udzacita?
NSANJA YA MLONDA
Ufumu wa Mulungu Ndi Boma Lopanda Ziphuphu
Zinthu 6 zimene zimatsimikizila kuti Ufumu wa Mulungu udzakhala wopanda ziphuphu nthawi zonse.
ZOKHUDZA IFE MBONI
N’cifukwa Ciani Muyenela Kuphunzila Baibulo?
Anthu mamiliyoni akupedza mayankho a mafunso awo ofunika kwambili m’Baibo. Kodi mungafune kukhala m’modzi wa iwo?
ZIMENE BAIBO IMAPHUNZITSA
Yambani Kuphunzila Baibo
Landilani maphunzilo a Baibo okambilana na munthu wina kwaulele.
