Ombimbiliya Omukanda Upopia-tyi?
Usoka okuti . . .
-
upopia etyi tyahindwa novanthu?
-
upopia onoñgano?
-
Ondaka ya Huku?
ETYI OMBIMBILIYA IPOPIA
“Ovihonekwa aviho viafiminwa na Huku.” — 2 Timotiu 3:16, Ombimbiliya Ikola.
OTYO OTYIWA MOKONDA YATYI?
M’Ombimbiliya movasi-mo ovipuka ovanthu vehole okulipula. — Omihe 2:1-5.
Maikukwatesako okulinga ovipuka nonondunge. — Oviimbo 119:105.
Itukwatesako tuyumbe onthumbi mweetyi matyikeya. — Ova Loma 15:4.
OKUTI TUPONDOLA UMWE OKUYUMBA ONTHUMBI MWEETYI OMBIMBILIYA IPOPIA?
Yoo, pena ovipuka vitatu vituyumbisa-ko onthumbi:
-
Etyi ipopia katyilipono. Okutuka apa Ombimbiliya yahimbika okuhonekwa atee yapwa pakala omanima 1.600. Yahonekwa novanthu vena 40. Vamwe ankho kavelii-ale. Mahi atyahati ou wahoneka ñgaa ou wahoneka ñgaa, aveho avahoneka vala otyipuka tyike!
-
Ipopia otyili. Ovanthu tyina vapopia evi valingaile, kavapopi ovivi valingile. Mahi vokwahoneka Ombimbiliya, vapopia umwe neevi valingaile viapenga. — 2 Ehipululo 36:15, 16; Oviimbo 51:1-4.
-
Evi Ombimbiliya yapopile okuti mavimoneka, avimoneka umwe. Ombimbiliya yapopile okuti epunda-umbo lyo Mbambilonia malihanywa-ko. Apalambe omanima 200 pahe alihanywa-ko umwe. (Isaiya 13:17-22) Tupu yapopile oñgeni malihanywa-ko, nenyina liomunthu melihanye-ko! — Isaiya 45:1-3.
Ombimbiliya tupu ina ovipuka ovikwavo yapopile, navio avilingwa umwe. Otyipuka otyo pahe katyituyumbisa-ko onthumbi yokuti Ombimbiliya Ondaka ya Huku? — 2 Petulu 1:21.
NKHELE SOKA VALA KEPULO ELI
Okuti etyi Ombimbiliya ipopia tyipondola umwe okutukwatesako?
Mwene Ombimbiliya yatyo ityipopia momukanda wa ISAIYA 48:17, 18 nowa 2 TIMOTIU 3:16, 17.
Hamwe Noove Uhanda
OMAPULO OMBIMBILIYA AKUMBULULWA
Oityi tyesukisa opo unoñgonoke Ombimbiliya?
Ove upondola okunoñgonoka etyi Huku ahanda tyikahi Movihonekwa Vikola.
ESSENTIAL BIBLE TEACHINGS
Oñgeni Matukala Nonthumbi Yokuti Ombimbiliya oyo Tyotyili?
Inkha o Huku watuma okuhoneka Ombimbiliya, kaipondola okulifwa nomukanda nawike wahonekwa novanthu.
ONTHUE VALIE
Oityi Wesukisila Okulilongesa Ombimbiliya?
Ombimbiliya ina omakumbululo omapulo omanene ovanthu ovanyingi mouye vena. Okuti noove una limwe uhanda okunoñgonoka?
ONTHUE VALIE
Ita na Ulongeswe
Lilongesa epulo limwe lyo Mbimbiliya, ine konthele yo Nombangi mba Siovaa.
