“Ruhanga w’omu iguru aryataho obundi bugabe, obutaricwekyerezibwa.”​—Danieli 2:44, Baibuli ey’Orunyankore-Rukiga, eya 1964.

“Omwana atuzaariirwe, omwana w’omwojo atuhairwe, obutegyeki buryaba aha mabega ge.”​—Isaaya 9:6.

• Gavumenti erikubaasa kukugasira.​—Isaaya 48:17, 18.

• Omu nsi nsya erikwija kubaho, nitwija kuba twine amagara marungi n’okushemererwa.​—Okushuuruurwa 21:3, 4.

Eego, ahabw’enshonga nka ibiri:

• Yesu akooreka eki Obukama bwa Ruhanga burikwija kukora. Yesu akeegyesa abeegi be kushaba ngu Obukama bwa Ruhanga bwije kandi ngu n’ebi Ruhanga akunda bikorwe omu nsi. (Matayo 6:9, 10) Yesu akooreka oku okushaba okwo kurikwija kugarukwamu.

  Obu Yesu yaabaire ari omu nsi, akariisa abaabaire baine enjara, yaakiza abaabaire barwaire, kandi yaazoora n’abaabaire bafiire. (Matayo 15:29-38; Yohaana 11:38-44) Yesu owaabaire naija kuba Omutegyeki w’Obukama bwa Ruhanga, akooreka gye eki Obukama obwo bwabaire nibwija kukorera abu buraabe nibutegyeka.​—Okushuuruurwa 11:15.

• Ebirikubaho omu nsi hati nibyoreka ngu Obukama bwa Ruhanga buri haihi kwija. Yesu akagira ngu Obukama butakareetsireho busingye omu nsi, ensi akaba neija kubanza kubamu entaro, eibura ry’eby’okurya, n’emitsitsa.​—Matayo 24:3, 7.

  Ebyo nibyo turikureeba nibibaho hati. N’ahabw’ekyo nituhamiza kimwe ngu Obukama bwa Ruhanga buri haihi kumariraho kimwe oburemeezi bwona.