9:1-7

Teekateeka aha ku Yesu yaayehuriire ku yaahuriire Ishe ow’omu iguru arikugira ngu niwe ou ashemererwa munonga. Hatariho kubanganisa eki kikagumya Yesu ahabw’okubonabona okwabaire nikwija kumuhikaho. Okworekwa oku kukagumya Petero, Yakobo, na Yohaana. Okworeka okwo kukabahamiza ngu Yesu buzima akaba ari Mesia, kandi bakaba bahikire kumuhurikiza. Bwanyima y’emyaka 32, Petero akaba naijuka ebyabaireho n’oku byamuhwereire kuhamya okwikiriza kwe omu ‘kigambo ky’obunabi.’​—2Pet 1:16-19.

N’obu buri omwe ahariitwe atarikubaasa kutunga okworekwa oku, nitureeba oku kuriyo nikuhikiirira. Yesu naategyeka nk’Omugabe w’amaani. Juba, naija “kusingurira kimwe,” atubaasise kuza omu nsi ensya ehikiriire.​—Kush 6:2.

Okwikiriza kwawe kweyongyeire kuhama kuta ahabw’okureeba obunabi bwa Baibuli nibuhikiirira?