Kodi mumbaliwona tani tsogolo lanu?
Kodi dziko lathuli . . .
-
lin’dzapitiriza kukhala ninga momwe liliri kalemu?
-
lin’dzanyanyiratu?
-
ayai lin’dzakhala bwino?
BIBLIYA LIMBATI
“Mulungu . . . an’dzapukuta misozi yentse m’maso mwawo, ndipo infa indzawoneka lini pomwe kusunama, kulira ne kuwawidwa. Pakuti bzinthu bzakale bzapita.”—Apokalipse 21:3, 4.
PHINDU LACE MUKAKHULUPIRA BZIMWEBZI
Mun’dzakhala na basa la phindu na thandauzo.—Zaiya 65:21-23.
Mun’dzaduwala lini pomwe ne kubonera kwa mtundu uli-wense.—Zaiya 25:8; 33:24.
Mun’dzakhala na moyo wacikondweso na wakusaya kumala na banja lanu pabodzi na axamwali wanu.—Salimo 37:11, 29.
KODI TINGAKHULUPIREDI BZOMWE BIBLIYA LIMBALEWA?
Inde, pa mathangwe mawiri:
-
Mulungu an’kwanisa kuteweza piciroli. M’Bibliya, Yahova yekha ndiye ambacemeredwa ‘Wamphanvu-zentse,’ pakuti ana mphanvu zakusaya malire. (Apokalipse 15:3) Tenepo, iye an’kwanisiratu kuteweza piciro lace la kucinjiratu dziko lathu lentse, licikhala labwino. Ninga momwe Bibliya limbalewera, ‘kwa Mulungu bzinthu bzentse mpsakukwanisika.’—Mateu 19:26.
-
Mulungu an’funisisa kuteweza piciroli. Mwa ciratizo, Yahova ana cikhumbo cakubwezeresa moyo wa wanthu womwe wadafa.—Djobi 14:14, 15.
Bibliya limbalatizambo kuti Jezu, Mwana wa Mulungu, adapoza atenda. Thangwe ranyi iye adacita bzimwebzo? Thangwe iye akhafuna kucita bzimwebzo. (Marko 1:40, 41) Jezu adalatiza mwakulungamiratu mkhalidwe wa Babace, mwa kufunisisa kwace kuthandiza anyakusaya.—Juwau 14:9.
Tenepo, tingatsimikize kuti Yahova na Jezu wan’funa kutithandiza kupfatsa na tsogolo lacikondweso!—Salimo 72:12-14; 145:16; 2 Pedru 3:9.
KUTI MUKUMBUKIRE
Kodi Mulungu an’dzacinja tani dziko lathuli, licikhala labwino?
Bibliya limbatawira mbvunzoyu pa MATEU 6:9, 10 na DANIYELI 2:44.
Imwepo Mungakomedwembo na
NTSANZA YA MULINDIRI
Cadidi Cakulewa bza Tsogolo
Limbisani cidikhiro canu pa bzomwe Mulungu ambalewa kuti an’dzacita kutsogolo pa dziko la pantsi na wanthu omwe an’dzakhala m’dzikomo.
MAPFUNZISO YAKUYAMBIRIRA YA M'BIBLIYA
Kodi Umambo bwa Mulungu n’Ciyani?
Mkati mwa utumiki bwace, Jezu adapfunzisa kwene-kwene nkhani yakulewa bza Umambo bwa Mulungu kuposa nkhani ina iri-yense. Kwa magole mazinji, wanthu akhala ankupemba kuti Umambobu bubwere.
NTSANZA YA MULINDIRI
Kodi Umambo bwa Mulungu Bun’dzacita Ciyani Kutsogoloku?
Jezu akhadziwa kuti ni Umambo bwa Mulungu bokha bomwe bun’dzamalisa mabvuto yomwe timbagumana nayo pano pa dziko la pantsi. Kodi ni bzinthu bziponi bzomwe Umambo Mulungu bwacita kale, ndipo bzingalimbise tani cikhulupiro cathu?
BZA IFE
Kumbirani kuti Mboni za Yahova zidzakuzungireni.
Cezani Nkhani za m’Bibliya na Mboni za Yahova ayai yezerani kupita mu programa yathu yakukumbirira pfunziro la Bibliya la fovolo.
