Ngimba Findu Fiki Fibaghile Ukupangisya Ukuti Imbumba Yiyeghe ya Lusekelo?
Lumo mukuti . . .
lughano?
indalama?
pamo ikindu kimo?
ISI IBAIBOLO LIKUYOBA
“Basayiwa aba bikulipilika ilisyu lya Kyala nukulisunga.”—Luka 11:28.
NGIMBA UKUMANYA ISI KUBAGHILE UKUTUTULA BULEBULE?
Tukuya nu lughano.—Baefesi 5:28, 29.
Tukughindikana.—Baefesi 5:33.
Tukufighililiwa.—Marko 10:6-9.
NGIMBA TUBAGHILE UKUSUBILA NALOLI ISI IBAIBOLO LIKUYOBA?
Ena. Nongwa yafiki tukuti ena?
Kyala yo alyandisye imbumba. Ibaibolo likuti “Tata uyu ifikolo fyosa . . . fikwitambulilamo.” (Baefesi 3:14, 15) Amasyu agha ghikusanusya ukuti Yehova yo uyu alyandisye imbumba. Ngimba ukumanya ifundo iyi kuli nu bununu bulibosa kumyitu?
Inong’onela isi: Linga mukulya ifyakulya ifi fipiyiwe kanunu, kangi mukulonda ukumanya ifi babikileko ukuti fiye finyafu, ngimba yonani uyu mubaghile ukundalusya? Kisita kukayika, umundu uyu apiyile ifyakulya ifyo.
Mwakufwana itolo, ukuti tumanye ifi fibaghile ukutula ukuti imbumba yiye ya lusekelo, tukulondiwa ukukonga ubulongosi bwa Yehova, panongwa yakuti yo uyu alyandisye imbumba.—Ubwandilo 2:18-24.
Kyala ikubiyayila umwe. Imbumba sya mahala sikughelaghela ukufufuza ubulongosi ubwa kufuma kwa Kyala ubu bukwaghiwa mu Baibolo. Nongwa yafiki? Panongwa yakuti umwene ikubiyayila umwe.” (1 Peteri 5:6, 7) Yehova ikutulondela ifinunu fiyo kangi ubulongosi ubu ikutupa bwakutula akabalilo kosa.—Isya Mbupingamu 3:5, 6; Yesaya 48:17, 18.
AMWINONG’ONELEPO
Ngimba mukulondiwa ukubomba isyafiki ukuti muye undume, unkasi pamo umpapi unnunu?
Ibaibolo likwamula ilalusyo ili pa BAEFESI 5:1, 2 na pa BAKOLOSI 3:18-21.
Lumo Mubaghile Ukulonda Ukumanya Isya Nkhani iyi
AMALALUSYO AGHA IBAIBOLO LIKWAMULA
Ngimba Ibaibolo Likuyoba Isyafiki Isyakufwana nu Bweghi?
Ifundo sya mu Baibolo sibaghile ukubatula aba bali pabweghi ukulimbana ni ndamyo.
AMALALUSYO AGHA IBAIBOLO LIKWAMULA
Ngimba Ibaibolo Libaghile Ukundula Ukuya ni Mbumba ya Lusekelo?
Ifundo isi sifumule mu Baibolo sibatulile abanyambala na bakikuli mamiliyoni mingi ukuti baye ni mbumba ya lusekelo
ISYA USWE
Nongwa Yafiki Mukulondiwa Ukumanyila Ibaibolo?
Ibaibolo likwamula amalalusyo gha bandu amamiliyoni mingi pa kisu kyosa. Ngimba nanumwe mukulonda ukwamuliwa amalalusyo ghinu?
ISYA USWE
Suma Ukuti Mumanyileghe Ibaibolo
Muyobesanie amalalusyo aghakufwana ni Baibolo, pamo manyila nyingi isyakufwana na Baketi ba Yehova.
