Ngimba Ikisu Kili M’maboko Ghanani?
Lumo mukuti . . .
-
gha Kyala
-
gha bandu
-
gha mundu yumo
ISI IBAIBOLO LIKUYOBA
‘Ikisu kyosa kili m’maboko gha Mbibi.’—1 Yohani 5:19.
‘Umwana wa Kyala . . . asipalaghanieghe imbombo sya mohesi.’—1 Yohani 3:8.
NGIMBA UKUMANYA ISI KUBAGHILE UKUTUTULA BULEBULE?
Tukumanya ubwanaloli bwa nongwa iyi indamyo isi silipo pa kisu.—Ubusetuli 12:12.
Tukuya nu lusubilo ulwakuti ifindu fikuya pakuya kanunu pa kisu.—1 Yohani 2:17.
NGIMBA TUBAGHILE UKUSUBILA NALOLI ISI IBAIBOLO LIKUYOBA?
Ena. Nongwa yafiki tukuti ena?
-
Ubulaghili bwa Setano butoliwe. Yehova ali na maka ghakutobesya imbombo sya Setano. Umwene Kyala ikuyoba ukuti ‘mo ampyutileghe mohesi’ nu kutendekesya fyosa ifi Setano onangile.—Bahiburi 2:14.
-
Kyala asalile Yesu Kristu ukuti alaghileghe ikisu. Yesu akindene na Setano panongwa yakuti Setano ikubatamya abandu. Kyala ayobile isya Yesu ukuti isakubapakisyagha abatolwe na balondo. Isakubapokagha ku bandu balusyobo na baghasi pamo ukuti abandu ba nkhaza.—Salimo 72:13, 14.
-
Kyala atikutungulupamo. Ibaibolo likuyoba ukuti: ‘Kukabaghila ukuti Kyala atungulupe.’ (Bahiburi 6:18) Linga Kyala afingile ukubomba simo, syosa sikubombiwa. (Yesaya 55:10, 11) “Unkulumba wa kisu kikiki ikuya pakutaghiwa panja.”—Yohani 12:31.
AMWINONG’ONELEPO
Ngimba ikisu kisakuyagha bulebule linga Setano asosiwepo?
Ibaibolo likwamula ilalusyo ili pa SALIMO 37:10, 11 na pa UBUSETULI 21:3, 4.
Lumo Mubaghile Ukulonda Ukumanya Isya Nkhani iyi
ESSENTIAL BIBLE TEACHINGS
Nongwa Yafiki Kyala Itikisye Indamyo pa Kisu Kyapasi?
Isi Ibaibolo likuyoba pa nkhani iyi syakukasya kangi syakusubisya.
AMALALUSYO AGHA IBAIBOLO LIKWAMULA
Ngimba Mohesi Aliko Naloli?
Ngimba mohesi masyu itolo, pamo akayilo akabibi aka twe bandu tuli nako pamo aliko naloli?
ISYA USWE
Nongwa Yafiki Mukulondiwa Ukumanyila Ibaibolo?
Ibaibolo likwamula amalalusyo gha bandu amamiliyoni mingi pa kisu kyosa. Ngimba nanumwe mukulonda ukwamuliwa amalalusyo ghinu?
ISYA USWE
Suma Ukuti Mumanyileghe Ibaibolo
Muyobesanie amalalusyo aghakufwana ni Baibolo, pamo manyila nyingi isyakufwana na Baketi ba Yehova.
