‘Amasyu ghosa ghatuyiliwe na Kyala.’​—2 Timoti 3:16.

Tukwamuliwa malalusyo agha tukuya nagho pa bumi.​—Isya Mbupingamu 2:1-5.

Tukubwagha ubulongosi ubwakutula pa bumi bwitu ubwa isiku ni siku.​—Salimo 119:105.

Tukuya nulusubilo ulwanaloli ulwa nkyeni.​—Baroma 15:4.

Ena, nongwa yafiki tukuti ena:

• Lilembiwe Kanunu. Ibaibolo lyalembiwe ifyinja ifyakukinda 1,600 na bandu abakukindanakindana abakufwana 40. Bingi mwa bandu aba bakalyaghenemo. Loli Ibaibolo lyosa likukolelana kangi lili ni nkhani inywamu yimoyene.

• Syosa isi balembile syabwanaloli. Abandu bingi aba bikulemba inkhani utubalilo twingi bighanile ukufisa ifindu fimo ifi fyabombiwe kukikolo kyabo bo ukutoliwa ubwite. Loli aba balembile Ibaibolo bayobile ubwanaloli bwa isi balyonangile na isi abandu babo batoliwe ukubomba.​—2 Syambukulu 36:15, 16; Salimo 51:1-4.

• Amabusololi ghake ghikufwanisiwa. Ibaibolo lyayobile ngani isya konangika kwa kaya ka Babeloni bo kusyele ifyinja 200 ukuti ubusololi ubu bufwanisiwe. (Yesaya 13:17-22) Lyayobile kangi ingamu ya mwalafyale uyu ayagha pakubalongosya abasilikali pakonanga akaya ka Babeloni.​—Yesaya 45:1-3.

  Mu Baibolo ghalimo amabusololi aghangi agha ghafwanisiwe ukufwana na muno Ibaibolo lyayobile. Ngimba mukaya mo muno Amasyu gha Kyala ghikulondiwa ukuyila?​—2 Peteri 1:21.