Asoo Amaneɛnwunlɛ Bara Awieleɛ?
Ɛbaha kɛ . . .
-
ɛhɛe?
-
kyɛkyɛ?
-
bie a?
MƆƆ BAEBOLO NE KA LA
‘Nyamenle bakyikyi bɛ nye anwo monle, na ewule, amaneɛnwunlɛ, ɛzunlɛ anzɛɛ nyane ɛnle ɛkɛ ne bieko.’—Yekile 21:3, 4, Contemporary English Version.
KƐZI ƆBABOA WƆ LA
Ɔmaa yɛnyia anwodozo kɛ tɛ Nyamenle a maa ngyegyelɛ to yɛ a.—Gyemise 1:13.
Saa yɛnwu kɛ Nyamenle te yɛ amaneɛnwunlɛ bo a, ɔkyekye yɛ rɛle.—Zɛkalaya 2:8.
Yɛnyia anyelazo kɛ amaneɛnwunlɛ kɔsɔɔti bara awieleɛ.—Edwɛne 37:9-11.
ASOO YƐBAHOLA YƐALIE MƆƆ BAEBOLO NE KA LA YƐALI AMGBA?
Ɛhɛe, ɔlua ninyɛne nwiɔ bie ati:
-
Nyamenle kyi amaneɛnwunlɛ nee nzisi. Suzu kɛzi Gyihova Nyamenle dele nganeɛ wɔ mekɛ mɔɔ bɛhilele ye menli ne nyane wɔ Baebolo mekɛ nu la anwo nea. Baebolo ne ka kɛ ɔlile nyane ɔluakɛ ɛnee “bɛkile bɛ ateetee.”—Ndɛnebuavolɛma 2:18, Ewiade Fofolɛ Ngilebɛbo.
Nyamenle kyi bɛdabɛ mɔɔ bɛkile awie mɔ nyane la. Kɛ neazo la, Baebolo ne ka kɛ ɔkyi “ɛsalɛ mɔɔ ka tenlenenli mogya gua la.”—Mrɛlɛbulɛ 6:16, 17.
-
Nyamenle dwenle yɛ nuhua ko biala anwo. Tɛ awie biala angome a ze “ye ngyegyelɛ nee ye nyanelilɛ” a, emomu Gyihova noko ze!—2 Edwɛkɛsisilɛ 6:29, 30.
Ɔnrɛhyɛ, Gyihova balua ye Belemgbunlililɛ ne azo aye awie ko biala amaneɛnwunlɛ avi ɛkɛ. (Mateyu 6:9, 10) Noko kɛkala, ɔkyekye menli mɔɔ fi bɛ ahonle nu kpondɛ ye la arɛle.—Gyima ne 17:27; 2 Kɔlentema 1:3, 4.
DWENLE ƐHYE ANWO
Duzu ati a Nyamenle maa amaneɛnwunlɛ nwo adenle a?
Baebolo ne bua kpuya zɔhane wɔ WULOMUMA 5:12 yɛɛ 2 PITA 3:9.
Bie A Eza Ɛ Nye Balie
ƐZINZALƐ ARANE
Amaneɛnwunlɛ Awieleɛ Ɛbikye!
Nyamenle ɛbɔ ɛwɔkɛ kɛ ɔbaye mɔɔ amaneɛnwunlɛ fa ba la kɔsɔɔti yeavi ɛkɛ. Adenle boni azo yɛɛ mekɛ boni a ɔbayɛ ɛhye a?
YƐ NWO EDWƐKƐ
Duzu Ati A Ɔwɔ Kɛ Ɛsukoa Baebolo Ne A?
Baebolo ne ɛlɛboa menli mɔɔ wɔ ewiade la anu mgbe dɔɔnwo yeamaa bɛanyia kpuya mɔɔ gyegye bɛ la anwo mualɛ. Ɛkpondɛ kɛ ɛdawɔ noko ɛnyia wɔ kpuya nwo mualɛ ɔ?
