Mowuamra Badɛnla Aze Bieko Amgba Ɔ?
Ɛbaha kɛ . . .
-
ɛhɛe?
-
kyɛkyɛ?
-
bie a?
MƆƆ BAEBOLO NE KA LA
‘Bɛbadwazo menli bɛavi ewule nu.’—Gyima ne 24:15, Ewiade Fofolɛ Ngilebɛbo.
KƐZI ƆBABOA WƆ LA
Ɔkyekye ɛ rɛle wɔ mekɛ mɔɔ wɔ alɔvolɛ kɛwu la.—2 Kɔlentema 1:3, 4.
Ɔmmaa ɛnzulo ewule.—Hibuluma 2:15.
Ɔmaa ɛnyia anyelazo kpalɛ kɛ ɛbanwu wɔ alɔvolɛ mɔɔ bɛwu la bieko.—Dwɔn 5:28, 29.
ASOO YƐBAHOLA YƐALIE MƆƆ BAEBOLO NE KA LA YƐALI AMGBA?
Ɛhɛe, ɔlua ninyɛne nsa bie ati:
-
Nyamenle a bɔle ngoane a. Baebolo ne se Gyihova Nyamenle “ɛkɛ ne a ngoane vi a.” (Edwɛne 36:9; Gyima ne 17:24, 25) Ahenle mɔɔ maanle abɔdeɛ biala ngoane la bahola adwazo awie mɔɔ ɛwu la ara ngoane nu bieko.
-
Nyamenle dwazole menli wɔ tete ne. Baebolo ne ka menli mɔtwɛ—mrenyia, mraalɛ, ngakula nee mgbanyinli mɔɔ bɛdwazole bɛ bɛrale ngoane nu bieko wɔ azɛlɛ ye azo la anwo edwɛkɛ. Ɛnee bie mɔ wule la ɛtɛkyɛle, noko ɛnee ko ɛwu yeli kenle nna wɔ nla ne anu!—Dwɔn 11:39-44.
-
Nyamenle kulo kɛ ɔyɛ ye bieko. Gyihova kyi ewule; ɔbu ewule kɛ ɔle kpɔvolɛ. (1 Kɔlentema 15:26) Ɔkulo kɛ ɔdi kpɔvolɛ zɔhane anwo zo konim, na ɔdua ewudwazo ne azo ɔye ewule ɔfi ɛkɛ. Ɔ nwo ɛlɛdɔ menli mɔɔ wɔ ye ngakyelɛ nu la amuala na ɔbadwazo bɛ yeamaa baradɛnla azɛlɛ ye azo bieko.—Dwobu 14:14, 15.
DWENLE ƐHYE ANWO
Duzu ati a yɛyɛ mgbanyinli na yɛwu a?
Baebolo ne bua kpuya zɔhane wɔ GYƐNƐSESE 3:17-19 yɛɛ WULOMUMA 5:12.
Bie A Eza Ɛ Nye Balie
ƐZINZALƐ ARANE
Anyelazo Maa Mowuamra—Kɛ Ɔkɛyɛ Na Wɔalie Wɔali Ɛ?
Baebolo ne ka ninyɛne nwiɔ mɔɔ ɔti yɛbahola yɛalie ewudwazo ne yɛali a.
YƐ NWO EDWƐKƐ
Duzu Ati A Ɔwɔ Kɛ Ɛsukoa Baebolo Ne A?
Baebolo ne ɛlɛboa menli mɔɔ wɔ ewiade la anu mgbe dɔɔnwo yeamaa bɛanyia kpuya mɔɔ gyegye bɛ la anwo mualɛ. Ɛkpondɛ kɛ ɛdawɔ noko ɛnyia wɔ kpuya nwo mualɛ ɔ?
