Taɛ Taɛ Mɛɛ̄ Na A Gaa Baɛbee Nyɔuwe Ani?
O kɛɛrɛ kɔ . . .
-
Bari?
-
pya nɛɛ?
-
ale dɔɔ̄na nɛɛ ni?
NU KPA BAƐBƐL KƆ
“Dɛ̄dɛɛ̄ nyɔuwe tɔɔ̄ kɛ̄ ba pɔrɔ nɛɛ a.”—1 Jɔn 5:19.
“Nwiīnɛɛdam Bari . . . bee sira lokwa a gbee dɛ̄dɛɛ̄ tam pɔrɔ-edɔɔ̄.”—1 Jɔn 3:8, Kpa Baɛbɛl Kaɛ.
NU LO AMA ADAP KURA NƐ
Bu sīdee a bɔloo, a kɔ kpaāna nu anua taaŋa bu nyɔuwe.—Mumuuna 12:12.
Anɛ i nu anua i yira kɔ nyɔuwe gaa le nyaa lee.—1 Jɔn 2:17.
I DAPGE YIGA KƆ NU BAIBOL KƆ AMA LU KAKA NI?
Aiī, a ɛrɛ taa nu anua i dap yiga:
-
Bɛbɛɛ Setan elu egbeesī. Jɛhova e biara fii lo esu kuma mmɛ loo bɛbɛɛ Setan ɛrɛ loo pya gānɛɛ. A yira yii lo e “gbee dɛ̄dɛɛ̄ tam Pɔrɔ-edɔɔ̄,” sa kwa dɛ̄dɛɛ̄ nu Setan bee gbee.—Hibru 2:14.
-
Bari esagɛ Jizɔs Kraist kɔ a bɛɛ nyɔuwe. Jizɔs lu kaāna kee loo nɛɛ a bɛɛ lo nyɔuwe ama a lu bag sa gbī aba ye leeloo. Bari yira yii kumaloo bɛbɛɛ Jizɔs kɔ: “A ɛrɛ toesaɛ loo pya a ɛrɛ e’ɔaloo le pya a ɛrɛ ebɛɛ̄ . . . Aāloo su kumakɛ̄ le ekpo na a agara wa dum a.”—Le-yɔɔ 72:13, 14.
-
Bari naa wee kɔ esah. Baibol kɔ kpaāna kɔ: “Bari a naa dap kɔ esah.” (Pya Hibru 6:18) Sɔ̄ Jɛhova yira yii lo edoo ziī nu a le doodoo bee a esira! (Aisaia 55:10, 11) ‘Nɛɛbee lo nyɔuwe elu etop bie ee.’—Jɔn 12:31.
NAA KƐƐRƐ
Nyɔuwe emɛā doodoo wa sɔ̄ nɛɛ a ye bɛɛ elu elɛɛ ni?
Baibol ture lo ebip ama bu kpa LE-YƆƆ 37:10, 11 le MUMUUNA 21:3, 4.