FAARFANNAA 92
Iddoo Maqaa Keetiin Waamamu
-
1. Yihowaa ulfina guddaa dha,
Maqaa keef ijaaruun mana!
Ulfina kee akka dabaluuf
Gammachuudhaan sii kennina.
Wanti sii kenninu kamiyyuu,
Kan kee ture durumayyuu.
Dandeettii, qabeenyaa fi humna,
Garaa guutuudhaan sii laanna.
(BUUSAA)
Siif kennine iddoo kana,
Haa beeksisu maqaa kee.
Kana siif murteessineerra;
Fudhu haa taʼu kan kee.
-
2. Iddoo kana ulfina keetiif
Akka taʼu kennine siif.
Kan si waaqessan baayʼatanii
Weedduu kee haa dabalani.
Iddoo kana waan sii kennineef,
Kunuunsa addaa ni goonaaf.
Ergaa lallabnu deggeruudhaan,
Dhugaa haa baʼu nuu wajjin.
(BUUSAA)
Siif kennine iddoo kana,
Haa beeksisu maqaa kee.
Kana siif murteessineerra;
Fudhu haa taʼu kan kee.
(Dabalataan, 1 Mot. 8:18, 27; 1 Sen. 29:11-14; HoE. 20:24 ilaali.)
