Asafo Nhyiamu Ahoroɛ Bɔ Yehowa Adanzefoɛ Yɛ Ɔ
Sua y’asafo nhyiamu ahoroɛ nwo dwirɛ. Pena nekaa bɔ opingye wɔ ɔ.
Nzu Yeɛ Ɔkɔso Wɔ Yɛ Asafo Nhyiamu Ahoroɛ Bo Ɔ?
Dapɛen biala, Yehowa Adanzefoɛ yianu pɛen nyɔ sõ. (Hebrifoɛ 10:24, 25) Wɔ nhyiamu ahoroɛ hemɔ bo ne, ebiala le yenwo atẽe kyɛ ɔba bie. Yesusu bɔ Bible ne kyirekyire ɔne atẽe bɔ yɛkɔfa so na yafa enu dwirɛ ne yabɔ yɛbra nanwo.
Wɔ yɛ nhyiamu pẽe nu ne, yebukye yenwo atẽe maa atiefoɛ ne ma mmuaeɛ wɔ yebo, kyɛbɔ bɛtaa bɛyɛ ye wɔ sukuu sua nu nala. Nakoso ebiala ngɔhyɛ wɔ kyɛ ɛma mmuaeɛ. Yɛfa dwein ne mbaeɛ yeɛ yɛhyɛ nhyiamu ahoroɛ nabo na yasa yafa yayie.
Ɔtte Yehowa Adanzefoɛ ngome yeɛ bɛba sɔ nhyiamu he bie ɔ. Yɛto asaa yɛfrɛ ebiala maa ɔba bie. Bendua hwee. Na bennidé kɔlɛhyen biala koso.