¡Jcholtik li lekil aʼyejetike!
Asamblea yuʼun stestigotak Jeova ta 2024
Muʼyuk tojbil sventa xij-och • Tee muʼyuk chichʼ kʼanel takʼin
Te ta jmalaotkutik
Viernes. Te chavakʼ venta ti melel xchiʼuk ti xuʼ jpat koʼontontik yuʼun li kʼusi chal Evanjelioetik ta sventa li xkuxlejal Jesuse. Te chachan xtok ti kʼu yuʼun toj jtunel-o kuʼuntik avi li loʼiletik ta Vivlia taje.
Savado. ¿Kʼusi xa onoʼox laj yichʼ alel ta sventa ti kʼu yelan chvokʼ li Jesuse xchiʼuk ti kʼuxi chchʼi tale? ¿Mi kʼot onoʼox ta pasel li kʼusi albile?
Domingo. Epal krixchanoetike jun yoʼonton chaʼi sbaik xchiʼuk lek kʼusi tsnopik akʼo mi yakal xa tsok batel li kuxlejale, ¿kʼu yuʼun? Sventa xanaʼe, bat chikintao li jun mantal lokʼem ta Vivlia ti xi sbie: «Muʼyuk chijxiʼutik yuʼun li chopol aʼyejetike».
Drama
Li lekil aʼyejetik laj yal Jesuse: Parte 1
Li melel sakil osil ta stojolal krixchanoetike
Kʼalal ayan li Jesuse toj labal sba, pe ep tajek kʼusi labalik sba kʼotanuk ta pasel xtok kʼalal chʼi tale. Sventa mu xlaj ta milel yuʼun jun ajvalile, laj yikʼik batel ta Ejipto. Kʼalal echʼ xa ox jayibuk jabile, oy jayibuk bankilal jchanubtasvanejetik ti labal sba tajek laj yilik ti pʼije. Taje jaʼ te chichʼ kʼelbel skʼoplal li ta chib parte drama chichʼ kʼelel ta viernes xchiʼuk ta savadoe.
Kʼelo li videoetik ta sventa li asamblea avi jabile:
¿Kʼusi ta jpaskutik li ta asamblea rejionale?
Kʼelo kʼu yelan li asamblea rejional tspasik li stestigotak Jeovae.
Asamblea rejional yuʼun stestigotak Jeova ta 2024: «¡Jcholtik li lekil aʼyejetike!».
Kʼelo batel jutuk li kʼusi ch-echʼ li ta asamblea avi jabile.
Li kʼusi ch-echʼ ta drama: «Li lekil aʼyejetik laj yal Jesuse».
Lek ojtikinbil kʼusi kʼot ta pasel kʼalal vokʼ li Jesuse. ¿Pe kʼusitik kʼot ta pasel kʼalal skʼan toʼox xvokʼe xchiʼuk kʼalal vokʼem xa oxe?