So phenel e Biblia pa kana iek mursh ai iek zhuvli beshen kidine ai nai ansurime?
So phenel e Biblia
E Biblia sikavel ke o Del chi kamel te keras prame sexuales bimalade (1 Thesaloniana 4:3). E Biblia phenel ke le prame sexuales bimalade si, kana iek ansurime phirel avresa kai nai lako rhom vai leski rhomni, kana iek mursh phirel avre murshesa vai iek zhuvli phirel avria zhuvliasa, ai kana iek manush si iekha zhuvliasa ai von nai ansurime.
Sostar si bari diela le Devleske te ansurinpe?
O Del kerdias e tsera. Kerdias kako kana ansurisardias kal pervo manush (Génesis 2:22-24). O Del chi kamelas te train kidine ai te na aven ansurime.
O Del zhanel so si mai mishto amenge. Kerdias e tsera te avel o mursh ai e zhuvli kidine pe sa o traio. Kerdias kako te azhutil ai te arakhel sa la familia. Gindi tu ande kako: kana kinas vareso le khereske trobus te chitos e rhartia kai phenel sar trobul te lashavol. Gadia, te avel amen iek familia veselime trobus te keras so phenel o Del, kon kerdias e tsera. Numa gadia si te zhal amenge mishto (Isaías 48:17, 18).
Trobus te chitos e rhartia te lasharas so kindiam. Gadia, te avel amen iek familia veselime trobus te keras so phenel o Del, kon kerdias e tsera.
Kana iek manush si iekha zhuvliasa ai von nai ansurime shai anel but bedi. Uni ejempluria si, te ashel e zhuvli phari kana chi kamel, iek nasualimos kai avel katar le prame sexuales vai te aliarenpe dukhade.
O sexo si vareso kai o Jehova dias ka o mursh ai e zhuvli kai si ansurime te avel len shave. Si vareso kai mol but. Le Devleske o traio si vareso defial kuchi. Pala godo vo kamel te respetis o sexo ai te usis les numa le manushesa kai sam ansurime. Gadia sikavas ke respetis e tsera (Zhiduvuria 13:4).
Si vorta te zumaven te train kidine mai anglal te ansurinpe?
Te avel iek familia veselime nai musai te zumaven te train kidine mai anglal te ansurinpe, vai te alosaren te mekenpe. E tsera kerdiol mai zurali kana le dui thon pendar te lasharen le bedi kai si len. Ai kana ansurinpe keren kako (Mate 19:6).
Sar shai avel amen iek tsera veselime?
Nai iek tsera kai nai la bedi. Numa shai avel amen iek tsera veselime te thasa ande amaro traio le suaturia la Bibliake. Aida dikhas uni anda lende:
Gindin tumen mai anglal ando kolaver (1 Korintianuri 7:3-5, E Nevi Viasta ai o Psalmo; Filipiana 2:3, 4).
Thon tumendar te kamenpe ai te respetin tumen suako gies (Efisiana 5:25, 33).
Sikion te gindin tumen mai anglal te den duma (Proverbios 12:18).
Te avel tumen rhavda ai iertin tumen fuga (Kolosiana 3:13, 14).