Anni i Ituppal na Pappatulan na Dios?
I tabbag na Biblia
Talianan na Pappatulan na Dios i ngamin nga gobiernu na tolay anna mammaguray yatun ta interu mundo. (Daniel 2:44; Nepakannammu 16:14) Nu mesimmu ngana yatun, i Pappatulan na Dios . . .
Daralan na i marake nga totolay. “Malsa noka ta davvun i marake ira.”—Proverbio 2:22.
Pangultimuan na i gerra ira. “Pagimmangan na [Dios] i gerra ira ta tanga-ravvunan.”—Salmo 46:9.
Irattal na i bendision anna seguridad ta interu mundo. “Magitubang i kada tadday nira ta lirum na fun na ubas na anna ta lirum na fun na igos na, anna awan tu sinni laman nga mangananassing nira.”—Mikias 4:4.
Pabbalinan na tu paraiso i interu mundo. “Magayayya noka i tana-tana anna i mamaga nga davvun, ay mappalupagia noka i disierto anna mallappaw nga kagitta na safron.”—Isaias 35:1.
Iyawa na i makapagayayya nga trabahu para ta ngamin. “I trabahu na limi-lima na napilì ira ay pagayayyatadda tu mapia. Ari ira mabbannag nga awan tu sesserbi na.”—Isaias 65:21-23.
Pawanan na i taki. “Awan noka tu maski sinni nga mangikagi: ‘Mataki ngà.’”—Isaias 33:24.
Alsan na i efekto na pammanakam. “Mas magawa-gawayyan nakuan i pattag na anne turi ta tiempo na kabataan na; manoli i sikan na gitta turi ta kabbinna.”—Job 33:25.
Paginnolayan na i natay ira. “Ngamin i natay ira ay maginna da i ngaral na [Jesus], anna mallalawan ira ta livud-da.”—Juan 5:28, 29.
Baka Kaya Mu Gapa i
ESSENTIAL BIBLE TEACHINGS
Anni i Pappatulan na Dios?
Ta interu ministerio ni Jesus, nitudduna i meyannung ta Pappatulan na Dios anne ta maski anni nga topiko. Ta aru nga siglo, nipakimallo na disipulosna nga duttal nakuan yatun nga Pappatulan.
PASSIFUSIFUTAN
Anni i Kuan na Pappatulan na Dios?
Ammu ni Jesus nga i Pappatulan na Dios laman i gobiernu nga makasolba ta problema ira ta davvun. Anni ngana i nakua na Pappatulan tapenu makapattalo ittam tatun?
MEYANNUNG NIKAMI
Mar-request tu Egga Mabbisita Nikaw
Pabbidan i tadday nga pakkiavu meyannung ta Biblia, onu mas paga nga ammuan i meyannung ta Saksi ira ni Jehova.