Talemonkotik ta bayal ta chajp tsʼumbalil sok kʼopiletik, pero jun-nax ayonkotik ta swenta te pajalnax te bintik ya jnopkotik spasele. Te bin kʼax tulan skʼoplal kuʼunkotike jaʼ te yichʼel ta mukʼ te Jehová, te Dios te ya yalbey skʼoplal te Biblia sok jaʼnix Jpaswanej yuʼun spisil te bintik aye. Ya jpaskotik tulan ta skʼayinbeyel stalel te Jesucristo sok tseʼelnax koʼtankotik yuʼun te jbiilinojkotik jchʼuunjeletik yuʼun Cristo. Ta jujuntul ya jlokʼeskotik tiempo ta skoltayel te ants winiketik ta snopel te bin ya yal te Biblia sok ta swenta te Wentainel yuʼun te Diose. Ta swenta te bitʼil ya kalbeykotik skʼoplal te Jehová sok te Wentainel yuʼune, naʼbil jbakotik jich bitʼil testigoetik yuʼun Jehová.

Ilawil te página ta Internet kuʼunkotik. Kʼopona te Biblia ta Internet o naʼbonxan jbakotik ta lek soknix te bin jchʼuunojkotike.