Houe. Lukungulukilo luetu ka lue ku hituluka mu vimo vifilme, mavulu ni miaso linga va hanguleho vimo na ku vindika vikuavo ku Vakaleho. Omo lia vika?

Mbimbiliya nguayo muntu uose na pande ku pangesa visinganieka vieni mu ku hangula via cili na via vipi.—VaHevelu 5:14.

Mbimbiliya ya kala na vimamuna via na pande ku kava Mukua Kilistu nga a tonda ku hangula vumo vueho. * Mu viose vi tue ku linga mu muono, cizango cetu ca pua “ku tantekeya vize via lema Muangana.”—Efeso 5:10.

Mbimbiliya ya longesa nguayo, mitue ya vindzivo va kala na imo mpoko, ngeci va hasa ku hangula ku tavesa ni ku vindika vimo ha ndzivo. (1 Kolintu 11:3; Efeso 6:1-4) Ku tundisako mitue ya vindzivo, ka kuesi muntu ali na mpoko ya ku vindika vimo vifilme, miaso, ni vikupulo via vaze va tsimana mu mavu.—Ngalata 6:5.