Gịnị Bụ Hel? Ọ̀ Bụ Ebe A Na-ata Mmadụ Ahụhụ Ruo Ebighị Ebi?
Ihe Baịbụl kwuru
Ụfọdụ ndị sụgharịrị Baịbụl dere “hel” n’ebe e dere okwu Hibru bụ́ “Shiol,” deekwa ya n’ebe e dere okwu Grik bụ́ “Hedis.” Shiol na Hedis pụtachara ili. (Abụ Ọma 16:10; Ọrụ Ndịozi 2:27) Ọtụtụ ndị kweere na hel bụ ebe a na-ata ndị mmadụ ahụhụ n’ọkụ otú a e sere na foto a dị n’aka nri. Ma, ihe a abụghị ihe Baịbụl kwuru.
Ndị nọ na hel amaghị ihe ọ bụla. N’ihi ya, ha agaghị anụli ụfụ ihe. “Ọrụ ma ọ bụ ichepụta ihe ma ọ bụ ihe ọmụma ma ọ bụ amamihe adịghị na Shiol.”—Ekliziastis 9:10.
Ndị ezi omume na-aga hel. Ndị ezi omume aha ha bụ Jekọb na Job kwuru na ha ga-aga hel.—Jenesis 37:35; Job 14:13.
ụgwọ ọrụ mmehie, ọ bụghị ịta mmadụ ahụhụ n’ọkụ. “A tọhapụwo onye nwụrụ anwụ ná mmehie ya.”—Ndị Rom 6:7.
Ọ bụrụ na Chineke na-ata mmadụ ahụhụ n’ime ọkụ ruo ebighị ebi, ọ pụtara na ọ naghị ekpe ikpe ziri ezi. (Diuterọnọmi 32:4) Mgbe nwoke mbụ bụ́ Adam mechara mmehie, Chineke gwara ya na ọ ga-akwụsị ịdị adị. Ọ sịrị ya: “Ájá ka ị bụ, ọ bụkwa n’ájá ka ị ga-alaghachi.” (Jenesis 3:19) Ọ bụrụ na Chineke tụbara Adam n’ọkụ ala mmụọ, ọ pụtara na ọ tụọla asị.
Ịta ndị mmadụ ahụhụ n’ime ọkụ abatatụbeghị Chineke n’obi. Iche na Chineke ga-ata ndị mmadụ ahụhụ n’ọkụ ala mmụọ adabaghị n’ihe Baịbụl kwuru banyere Chineke. Baịbụl sịrị na “Chineke bụ ịhụnanya.”—1 Jọn 4:8; Jeremaya 7:31.
Isiokwu A Nwekwara Ike Ịmasị Gị
IHE NDỊ DỊ EZIGBO MKPA BAỊBỤL NA-AKỤZI
Ọ̀ Bụ Eziokwu na Chineke Na-ata Ndị Ajọ Omume Ahụhụ n’Ọkụ Ala Mmụọ?
Ebe ọ bụ na Baịbụl sịrị na “Chineke bụ ịhụnanya,” o mekataghị taa ndị mmadụ ahụhụ maka ihe ọjọọ ha mere n’oge gara aga.
AJỤJỤ NDỊ BAỊBỤL ZARA
Ole Ndị Na-aga Hel?
Ndị ezigbo mmadụ hà nwere ike ịga hel? Mmadụ ọ̀ ga-esili na hel pụta? Hel ọ̀ ga na-adị ruo ebighị ebi. Baịbụl zara ajụjụ ndị a.
IHE BAỊBỤL NA-AKỤZI
Ka Anyị na Gị Mụwa Baịbụl
Kwuo ka gị na otu onye mụwa Baịbụl. Ị gaghị akwụ ụgwọ.