B1
Nwin u Bibel
Yéhôva Nyambe a gwé kunde i ane. Énél yé yon i nlôôha ilam. A ga yônôs sômbôl yé inyu hisi ni bôt ba binam.
I mbus nwii 4026 B.N.Y. “Nyoo” i nkal le Yéhôva a kôli bé énél, i nkal ki le a ñénél bé loñge. Yéhôva a mbôn le a ga lona “mbôda” tole “mbôô,” i i ga sôk nyagat nyoo, hala wee Satan. (Bibôdle 3:1-5, 15, buk isi lipep) Ndi inyu ngim ngéda, Yéhôva a nwas bôt ba binam le ba ane bomede isi énél i nyoo. |
I nwii 1943 B.N.Y. Yéhôva a nkal le “mbôda” i ga ba man Abraham wada.—Bibôdle 22:18. |
I mbus nwii 1070 B.N.Y. Yéhôva a mbôn Kiñe David le “mbôda” i bé lama lôl mu lihaa jé; i mbus ngéda, a mbôn yak Salômô hala.—2 Samuel 7:12, 16; 1 Bikiñe 9:3-5; Yésaya 9:6, 7. |
I nwii 29 N.Y. Yéhôva a nyis bôt le Yésu nyen a yé i “mbôda” i bé lama lo, nyen a ga kôdôl yééne ane i David.—Galatia 3:16; Lukas 1:31-33; 3:21, 22. |
I nwii 33 N.Y. Nyoo, hala wee Satan, i mbabaa “mbôda,” i ngéda Yésu a nôla. Yéhôva a ntugul Yésu inyu ke i ngii, a neebe ki sesema i niñ yé i i bé peles, hala a nyible mbôda Adam njel le bibéba gwap bi nwéhlana ni le ba bana niñ boga.—Bibôdle 3:15; Minson mi baôma 2:32-36; 1 Korintô 15:21, 22. |
Jam kiki bo nwii 1914 N.Y. Yésu a nleñ nyoo, hala wee Satan hana ’isi, a nyégsa nye i yén hana inyu ndék ngéda.—Masoola 12:7-9, 12. |
I dilo di nlo Yésu a nha Satan i mok mi 1 000 nwii. I mbus, a nyagat nye ño, hala wee a ntjé nye. Sômbôl Yéhôva a bééna i bibôdle inyu hisi ni bôt ba binam i ga yon, jôl jé li ga pubhana, bihégél gwobisôna bi ga yi le énél yé yotama yon i nlôôha ilam.—Masoola 20:1-3, 10; 21:3, 4. |