B1
Wɛn e ɖo Biblu mɛ é
Jexóva Mawu ɖó acɛ bo ná kpa acɛ. Lěe é nɔ kpa acɛ gbɔn é wɛ nyɔ́ hú gǎn. Linlin e é ɖó nú ayǐkúngban ɔ kpó gbɛtɔ́ lɛ́ kpó é ná jɛnu.
4026 J.H.M. gúdo “Dan ɔ” mɔ xó ɖɔ dó acɛ e Jexóva ɖó bo ná kpa acɛ é kpó lěe kpa acɛ gbɔn wɛ é ɖe é kpó wú. Jexóva dó “kúnkan” ɖé sín akpá bɔ é ná wá nyínyɛ́ ta nú Satáan éé nyí dan ɔ é. (Bǐbɛ́mɛ 3:1-5, 15) É ɖo mɔ̌ có, Jexóva ná hwenu gbɛtɔ́ lɛ́ bónú yě ná nɔ dan ɔ sín acɛ mɛ bo kpa acɛ dó yěɖée jí. |
1943 J.H.M. Jexóva ɖɔ nú Ablaxámu ɖɔ vǐ tɔn lɛ́ ɖokpó ná nyí “kúnkan” e sín akpá è dó é.—Bǐbɛ́mɛ 22:18. |
1070 J.H.M. gúdo Jexóva ná gǎnjɛwú axɔ́sú Davídi bo wá ná vǐ tɔn Salomɔ́ɔ ɖɔ “kúnkan” e sín akpá è dó é ná gosín hɛ̌nnu yětɔn mɛ.—2 Samuwɛ́li 7:12, 16; 1 Axɔ́sú lɛ́ 9:3-5; Ezayíi 9:5, 6. |
29 H.M. Jexóva xlɛ́ ɖɔ Jezu wɛ nyí “kúnkan” e sín akpá è dó b’ɛ ná ɖu axɔ́súzinkpo Davídi tɔn sín gǔ é.—Galátinu lɛ́ 3:16; Luki 1:31-33; 3:21, 22. |
33 H.M. Satáan éé nyí dan ɔ é gblé wǔ “kúnkan” e sín akpá è dó é kléwún, hwenu e é zɔ́n bɔ è hu Jezu é. Jexóva fɔ́n Jezu sín kú bónú é ná nɔ gbɛ ɖo jǐxwé, bo lɛ́ yí gbe nú vɔ̌ e é sá é; mɔ̌ mɛ ɔ, é ná sɔ́ hwɛ kúnkan Adámu tɔn lɛ́ tɔn kɛ yě, bo ná lɛ́ ná yě gbɛ mavɔmavɔ.—Bǐbɛ́mɛ 3:15; Mɛsɛ́dó 2:32-36; 1 Kɔlɛ́ntinu lɛ́ 15:21, 22. |
1914 H.M. mɔ̌ Jezu nyi Satáan, éé nyí dan ɔ é dó ayǐkúngban jí, bo glɔ́n ɛ ɖó fínɛ́ nú hwenu kléwún ɖé.—Nǔɖexlɛ́mɛ 12:7-9, 12. |
Sɔgúdo Jezu sú Satáan dó gan mɛ nú xwe 1000, énɛ́ gúdo ɔ, é sú kún dó n’i, bɔ ɖo nǔjlɛ́dónǔwú linu ɔ, é nyínyɛ́ ta tɔn. Linlin e Jexóva ɖó nú ayǐkúngban ɔ kpó gbɛtɔ́ lɛ́ kpó sín do é jɛnu, è klɔ́ cí sín nyǐkɔ tɔn wú, bo lɛ́ xlɛ́ ɖɔ lěe é nɔ kpa acɛ gbɔn é sɔgbe.—Nǔɖexlɛ́mɛ 20:1-3, 10; 21:3, 4. |