4026 K.X.A. Uprant

“Ar” mhunnche, Soitan, Jehovachea raz korchea odhikaracher ani jea toren to raz choloita tacher prosn ubarta. Soitanak nas korunk apunn ek “sonsot” vo “bi” utpon kortolo mhunn Jehova bhasaita. (Utpoti 3:1-5, 15, futtnott) Punn, tea meren Jehovan lokank Soitanachea probhava khala ravon svota raz cholounk vell dila.

1943 K.X.A.

Bhasailʼli “sonsot” Abrahama thaun ietoli mhunn Jehova taka sangta.—Utpoti 22:18.

1070 K.X.A. Uprant

Jehova David Razak ani tachea putak, Solomonak bhasailʼli “sonsot” tancheach sonstintlean ietoli mhunn khatri dita.—2 Samuel 7:12, 16; 1 Raza 9:3-5; Izaias 9:6, 7.

29 K.X.

Davidachea xinvasonacho daiji Jezu, bhasail’lo “sonsot” mhunn Jehova spoxttponni dakhoun dita.—Galasiekarank 3:16; Lukas 1:31-33; 3:21, 22.

 33 K.X.

Lokank Jezuk marunk lavun Soitanan thoddea kalla pasot “sonstik” luksonn kelem. Punn, Jehovan Jezuk jivont korun sorgar jivit dilem, ani tachea poripurnn jivitachem mol manun ghetlem. Hea toren tannem Adanvachea sonstik tanchea patkanchem bhogsonnem mellonk ani sasnachem jivit mellonk vatt ukti keli.—Utpoti 3:15; Itihas 2:32-36; 1 Korintkarank 15:21, 22.

Sumar 1914 K.X.

Jezun Arak, mhunnche, Soitanak sorgar thaun prithumer uddoilo ani to thoddo kall meren thoinch urta toso kelo.—Prokasovnni 12:7-9, 12.

Fuddarak

Jezu Soitanak 1,000 vorsam meren koidi kortolo ani uprant tacho nas kortolo, mhunnche eka orthan tachi tokli maddoitolo. Jehovacho prithume pasot ani munxakulla pasot aslolo udʼdhex purnn zatolo. Tachea nanvacher laglolo dag puson voitolo ani tachi raz cholouchi rit sogleant bori mhunn kollon ietolem.—Prokasovnni 20:1-3, 10; 21:3, 4.