4026 B.C.E. murinai

“Gaigai” ese Iehova ia lohia ena maoro bona ena lohia dalana ia hepapahuahulaia. Iehova ia gwauhamata “natuna” ta do ia vara, ia ese gaigai, Satani unai, do ia haorea vaitani. (Genese 3:1-5, 15) To, Iehova ese nega ia henia taunimanima be unai gaigai ena siahu henunai sibodia idia lohiaia totona.

1943 B.C.E.

Iehova ese Aberahamo ia hamaoroa ia gwauhamatalaia “natuna” be ena bese tauna ta.—Genese 22:18.

1070 B.C.E. murinai

Iehova ese King Davida bona gabeai ena natuna Solomona ia hamaoroa ia gwauhamatalaia “natuna” be edia bese amo do ia mai.—2 Samuela 7:12, 16; 1 King Taudia 9:3-5; Isaia 9:6, 7.

29 C.E.

Iehova ese ia hahedinaraia Iesu be ia gwauhamatalaia “natuna,” bona ia ese Davida ena terona do ia abia.—Galatia 3:16; Luka 1:31-33; 3:21, 22.

 33 C.E.

Gaigai o Satani, ese nega kwadogi lalonai Dirava ia gwauhamatalaia “natuna” ia koua, anina be Iesu ia hamasea. Iehova ese Iesu ia hamauria lou bena guba maurina ia abia, bona ena mauri goevadaena ena davana ia abia dae, unai amo kara dika ia gwauatao bona Adamu ena natudia dekenai mauri hanaihanai ia henia diba.—Genese 3:15; Aposetolo Edia Kara 2:32-36; 1 Korinto 15:21, 22.

1914 C.E. bamona

Iesu ese gaigai o Satani be tanobada dekenai ia negea, unuseniai nega kwadogi do ia noho.—Apokalupo 12:7-9, 12.

Vaira nega

Iesu ese lagani 1,000 lalonai Satani do ia guia, bena do ia haorea vaitani, laulau dalanai ena kwarana do ia moia patapata. Iehova ena ura tanobada bona taunimanima totona do idia guguru, iena ladana do idia hadikaia lou lasi, bona iena lohia dalana do ia hamomokania.—Apokalupo 20:1-3, 10; 21:3, 4.