B1
كيەلى كىتاپتاعى حابار
ەحوبا قۇدايدىڭ بيلىك ەتۋگە تولىق قۇقى بار جانە ول — ەڭ جاقسى بيلەۋشى. قۇدايدىڭ جەرگە جانە ادامزاتقا قاتىستى نيەتى جۇزەگە اسادى.
ب.ز.ب. 4026-جىلى كەيىن «جىلان»، ياعني شايتان، ەحوبا قۇدايدىڭ بيلىك ەتۋ قۇقىنا جانە جاقسى بيلەۋشى ەكەنىنە كۇمان كەلتىردى. ەحوبا «ۇرپاق» دەپ اتالعان بىرەۋدىڭ كەلىپ، «جىلاننىڭ باسىن مىجيتىنىن» ۋادە ەتتى (مۇسانىڭ 1-جازباسى 3:1—5، 15 ٴسىلت.). سول ۋاقىتقا دەيىن ەحوبا ادامدارعا جىلاننىڭ ىقپالىندا بولىپ، ٶز-وزدەرىنە بيلىك ەتۋىنە جول بەردى. |
ب.ز.ب. 1943-جىلى ەحوبا ىبىرايىم پايعامبارعا ٷرىم-بۇتاعىنان ۋادە ەتىلگەن «ۇرپاق» شىعاتىنىن ايتتى (مۇسانىڭ 1-جازباسى 22:18). |
ب.ز.ب. 1070-جىلى كەيىن ەحوبا ٴداۋىت پاتشاعا جانە ونىڭ ۇلى سۇلەيمەنگە «ۇرپاقتىڭ» سولاردىڭ اۋلەتىنەن شىعاتىنىن ايتتى (سامۋيلدىڭ 2-جازباسى 7:12، 16؛ پاتشالار 1-جازبا 9:3—5؛ يشايا 9:6، 7). |
ب.ز. 29-جىلى ەحوبا يسانىڭ ٴداۋىت تاعىنىڭ مۇراگەرى ٵرى ۋادە ەتىلگەن «ۇرپاق» ەكەنىن كورسەتتى (عالاتتىقتارعا 3:16؛ لۇقا 1:31—33؛ 3:21، 22). |
ب.ز. 33-جىلى جىلان، ياعني شايتان، يسانى ٶلتىرىپ «ۇرپاقتى» ۋاقىتشا زاقىمدادى. ەحوبا يسانى كوككە قايتا ٴتىرىلتتى جانە ونىڭ كەمەلدى ٶمىرىن ادامزات كۇناسىن وتەيتىن قۇن رەتىندە قابىل الدى. وسىلايشا ادام اتانىڭ ۇرپاقتارىنا قۇدايدىڭ كەشىرىمىنە يە بولۋعا جانە ماڭگى ٶمىر سۇرۋگە جول اشىلدى (مۇسانىڭ 1-جازباسى 3:15؛ ەلشىلەردىڭ ىستەرى 2:32—36؛ قورىنتتىقتارعا 1-حات 15:21، 22). |
شامامەن ب.ز. 1914-جىلى يسا شايتاندى جەر بەتىنە لاقتىرىپ، ونىڭ ىقپال ەتۋ اياسىن شەكتەدى (ايان 12:7—9، 12). |
بولاشاقتا يسا شايتاندى 1000 جىلعا بۇعاۋلايدى، كەيىن ٴبىرجولاتا جويادى، بەينەلى تىلمەن ايتقاندا، باسىن مىجيدى. ەحوبانىڭ جەرگە جانە ادامزاتقا قاتىستى باستاپقى نيەتى جۇزەگە اسىپ، ەسىمى جالادان تازارتىلادى جانە ونىڭ ەڭ جاقسى بيلەۋشى ەكەنى دالەلدەنەدى (ايان 20:1—3، 10؛ 21:3، 4). |
