Hanyima ya 4026 B.C.E.

“Linoka” mwamba ngwenyi Yehova katwama nangolo jakuyulako, kaha chiyulo chenyi nawa kachapwa chamwazako. Yehova mwashika kukaneha “muka-tanga,” chipwe “mbuto,” uze mwakachika linoka, Satana. (Kuputuka 3:1-5, 15, kwinyikila chamwishi) Oloze Yehova mwahana vatu lwola valiyule vavene nangolo jayou linoka.

1943 B.C.E.

Yehova mwalweza Apalahama ngwenyi muka-tanga uze vashikile mwakafuma kuli vana venyi.—Kuputuka 22:18.

Hanyima ya 1070 B.C.E.

Yehova mwalweza Mwangana Ndavichi namwanenyi Solomone ngwenyi “muka-tanga” uze avashikile mwakafuminyina muchisaka chavo.—Samwele 2, 7:12, 16; Vamyangana 1, 9:3-5; Isaya 9:6, 7.

29 C.E.

Yehova mwasolola Yesu kupwa “muka-tanga” uze ashikile, ikiye Swana wakuswana halitanda lyaNdavichi.—Wavaka-Ngalesha 3:16; Luka 1:31-33; 3:21, 22.

 33 C.E.

Linoka Satana, mwatota “muka-tanga” hakapyapya kakandende hakujiha Yesu. Yehova mwasangwila Yesu kukuyoya chamwilu, kaha mwetavila ndando yakuyoya chaYesu chakukupuka mwosena, nakulingisa vatu vavakonekele jishili javo, nakuhana vana vaAlama kuyoya chahaya myaka yosena.—Kuputuka 3:15; Vilinga 2:32-36; Wavaka-Kolinde 1, 15:21, 22.

Kafwe mu 1914 C.E.

Yesu mwaholwela uze linoka Satana hamavu nakumukuchikilaho hakapyapya kakandende kaha.—Kusoloka 12:7-9, 12.

Kulutwe

Yesu mwakasa Satana hamyaka 1,000, kufumaho mwamunongesa, chikiko kumuchika kumutwe. Yehova mwatesamo vyuma ajinyine kupandama kumavu nakuvatu. Mwatomesa lijina lyenyi lize vanasaulanga, kaha mwazezula chiyulo chenyi.—Kusoloka 20:1-3, 10; 21:3, 4.