Na peko ti ngu 4026 K.N.E

“Ngbo ni” adë kite na droit so Jéhovah ayeke na ni ti duti Gbia nga na fason so Jéhovah ayeke komande na ni. Jéhovah atene so ni yeke sara si mbeni “hale,” wala mbeni “ngongoa,” abâ gigi; hale ni ayeke neka ande ngbo ni, so ti tene Satan (Genèse 3:1-5, 15, kete tënë na gbe ni). Me, Jéhovah azia ngoi na azo ti komande terê ti ala wani na gbe ti ngangu ti ngbo ni.

1943 K.N.E

Jéhovah atene na Abraham so mbeni oko ti amolenge ti lo la ayeke duti ande “hale” ni so.—Genèse 22:18.

Na peko ti ngu 1070 K.N.E

Jéhovah afa na Gbia David, na pekoni na molenge ti lo Salomon, so “hale” ni so ayeke ga na yâ ti molongo ti sewa ti ala. —2 Samuel 7:12, 16; 1 aGbia 9:3-5; Ésaïe 9:6, 7.

Ngu 29 N.E

Jéhovah afa so Jésus la ayeke “hale” ni so ayeke duti ande na ndö ti trône ti David.—aGalate 3:16; Luc 1:31-33; 3:21, 22.

 Ngu 33 N.E

Ngbo ni, so ti tene Satan, adë peko ti gere ti “hale” ni na lege so lo sara si a fâ Jésus. Jéhovah azingo Jésus ti gue na yayu nga lo yeda na ngere ti fini ti Jésus, so ayeke nzoni-kue, so amû lege ti tene a pardonné siokpari ti amolenge ti Adam nga ti mû na ala fini ti lakue lakue. —Genèse 3:15; Kusala 2:32-36; 1 aCorinthien 15:21, 22.

Ngu 1914 tongaso

Jésus abi Satan, so ayeke ngbo ni, na sese na lo zia lege na Satan ti gue na mbeni ndo nde ape ndali ti mbeni kete ngoi.—Apocalypse 12:7-9, 12.

Ye so ayeke si ande

Jésus ayeke kanga ande Satan ngu 1000 na lo yeke futi lo, a yeke mo bâ mo tene lo neka li ti Satan la. Ye so Jéhovah aye ndali ti sese nga ndali ti azo ayeke ga ande tâ tënë, a yeke zi zonga so a bi na ndö ti iri ti lo, na azo ayeke hinga ande so lo oko la lo yeke na droit ti komande dunia kue. —Apocalypse 20:1-3, 10; 21:3, 4.