Kawiindide mwaka wa 4026 B.C.E.

“Nzoka” yadooneka mbwayendelezya Jehova alimwi akuti naa nguuyelela kweendelezya. Jehova wasyomezya kuleta “lunyungu” iluyoopwayaula nzoka, Saatani. (Matalikilo 3:1-5, 15) Nokuba boobo, Jehova wazumizya bantu kulyeendelezya kwiinda mubweendelezi bwanzoka.

1943 B.C.E.

Jehova waambila Abrahamu kuti umwi wabana bakwe nguuyooba “lunyungu” ilwakasyomezyegwa.—Matalikilo 22:18.

Kawiindide mwaka wa 1070 B.C.E.

Jehova wasyomezya Mwami Davida a Solomoni mwanaakwe kuti “lunyungu” ilwakasyomezyegwa luyoozwa muzyalani lyabo.—2 Samuele 7:12, 16; 1 Bami 9:3-5; Isaya 9:6, 7.

29 C.E.

Jehova watondezya kuti Jesu ngonguwe “lunyungu,” Sikukona cuuno cabwami ca Davida.—Bagalatiya 3:16; Luka 1:31-33; 3:21, 22.

 33 C.E.

Inzoka, nkokuti Saatani, yacisa “lunyungu” kwaciindi cisyoonto kwiinda mukupa kuti Jesu ajaigwe. Jehova wabusya Jesu akumupa buumi bwakujulu alimwi watambula mpindu yabuumi bwa Jesu bulondokede, calo capa kuti cikonzyeke kulekelela zibi akubapa buumi butamani bana ba Adamu.—Matalikilo 3:15; Milimo 2:32-36; 1 Bakorinto 15:21, 22.

Cakuma 1914 C.E.

Jesu waiwaalila ansi nzoka, nkokuti Saatani, akumusinkila kuti kali buyo anyika kwakaindi kaniini.—Ciyubunuzyo 12:7-9, 12.

Kumbele

Jesu waanga Saatani akumubikka muntolongo kwamyaka iili 1,000 mpoonya wamunyonyoona, calo ciimininwa akupwayaula mutwe wakwe. Makanze ngaakajisi Jehova kumatalikilo kujatikizya nyika alimwi abantu azuzikizyigwa, zina lyakwe lyasalazyigwa, abweendelezi bwakwe bwalemekwa naa bwalibonya kuti mbobuluzi.—Ciyubunuzyo 20:1-3, 10; 21:3, 4.