Ka tsʼoʼok u añoil 4026 t.t.J.

Le Kʼaasilbaʼal wa le «kaanoʼ» tu yaʼalaj minaʼan u derechoil tiʼ Jéeoba u gobernar yéetel maʼ maʼalob bix u gobernariʼ. Jéeobaeʼ tu yaʼaleʼ yaan u tsʼáaik junpʼéel «chʼiʼibal» wa «descendencia». Le kéen kʼuchuk u kʼiinileʼ le chʼiʼibalaʼ yaan u púuʼchaʼatik le Kʼaasilbaʼaloʼ (Génesis 3:1-5, 15; nota). Jéeobaeʼ ku chaʼik u gobernar wíinik ichil junpʼíit tiempo yáanal u nuʼuktaj u Kʼaasilbaʼal.

1943 t.t.J.

Jéeobaeʼ ku yaʼalik tiʼ Abrahán juntúul tiʼ u paalal ken u beetuba le «chʼiʼibal» u yaʼalmoʼ (Génesis 22:18).

Ka tsʼoʼok u añoil 1070 t.t.J.

Jéeobaeʼ ku yaʼalik tiʼ rey David bey xan tiʼ Salomón de ke ichil u paalaloʼob kun taal le «chʼiʼibal» u yaʼalmoʼ (2 Samuel 7:12, 16; 1 Reyes 9:3-5; Isaías 9:6, 7).

29 tsʼ.t.J.

Jéeobaeʼ ku yaʼalikeʼ Jesúseʼ letiʼe «chʼiʼibal» u yaʼalmoʼ yéetel yaan u tsʼáaiktiʼ u trono David (Gálatas 3:16; Lucas 1:31-33; 3:21, 22).

 33 tsʼ.t.J.

Le Kʼaasilbaʼal wa le «kaanoʼ» ku beetik u kíimsaʼal Jesús, bey úuchik u «chiʼik u tuunkuy» le «chʼiʼibal» aʼalaʼanoʼ. Jéeobaeʼ ku kaʼa kuxkíintik Jesús utiaʼal u suut kaʼan yéetel ku kʼamik u tojol u kuxtal minaʼan u kʼeban tu kʼuboʼ. Le baʼax tu beetaʼ ku tsʼáaik u páajtalil u perdonartaʼal u kʼeban máak bey xan u páajtalil u kuxtal minaʼan u xuul (Génesis 3:15; Hechos 2:32-36; 1 Corintios 15:21, 22).

Kex tu añoil 1914 tsʼ.t.J.

Jesúseʼ ku pulik le «kaan» way Luʼumoʼ. Ku yaʼaliktiʼeʼ «chéen junpʼíit kʼiin pʼaataltiʼ» (Apocalipsis 12:7-9, 12).

Baʼax ku taal u kʼiin

Jesúseʼ yaan u kʼalik u Kʼaasilbaʼal tu yáamil 1,000 años, kéen tsʼoʼokkeʼ ku xuʼulsiktiʼ, bey ken u púuʼchaʼatil u pooloʼ. Tsʼoʼoleʼ yaan u béeytal baʼax u tukultmaj Jéeoba utiaʼal le Luʼum yéetel utiaʼal wíinikoʼ. Ku yeʼesaʼal maʼ jaaj le baʼax aʼalaʼab tu contra Jéeobaoʼ, tu tsʼookeʼ ku yeʼesaʼal chéen letiʼ maʼalob bix u gobernar (Apocalipsis 20:1-3, 10; 21:3, 4).