Ano ang Matun-an Naton sa Pulong sang Dios?
Mabasa naton sa Biblia ang mensahe, ukon pulong, sang Dios para sa aton subong. Ginatudluan kita sini kon paano mangin madinalag-on sa kabuhi kag kon paano naton mapahalipay ang Dios. Ginasabat man sini ang masunod nga mga pamangkot:
PAANO MO MAKITA ANG MGA TEKSTO SA BIBLIA?
Ang Biblia koleksion sang 66 ka magagmay nga libro. Gintunga ini sa duha ka bahin: ang Hebreo-Aramaiko nga Kasulatan (“Daan nga Katipan”) kag ang Griegong Kasulatan (“Bag-ong Katipan”). Ang kada libro sang Biblia gintunga sa mga kapitulo kag mga bersikulo. Kon ginasambit ang teksto, ang una nga numero pagkatapos sang ngalan sang libro amo ang kapitulo, kag ang masunod nga numero ukon mga numero amo ang bersikulo ukon mga bersikulo. Halimbawa, ang Genesis 1:1 nagapatuhoy sa Genesis kapitulo 1, bersikulo 1.