Ebi Uwẹ Ha Miẹn Luẹ Bhi Baibo
Emhin nin Osẹnobulua guanọ nin mhan lẹn, ele ribhi Baibo. Baibo dẹ sabọ rẹkpa mhan rẹ ha nyẹnlẹn nọnsẹn. Ọ dẹ sabọ rẹkpa mhan rẹ lẹn emhin ne ti Osẹnobulua bhọ. Mhan dẹ yẹ miẹn ewanniẹn rẹji ene inọnta nan bhi ẹkẹ ọle:
EBI UWẸ HA RẸ MIẸN EJI A HO NAN TIE YẸ
Ebe 66, ele ribhi ẹkẹ Baibo. Obọ eva a wa ene ebe diọ i. Ene obọ hi: Obọ nan re urolo Hibru bi Aramaik gbẹn, nin ẹbho eso tiọle “Od Tẹstamẹnt,” bi obọ nan re urolo Grik gbẹn, nin ẹbho eso tiọle “Niu Tẹstamẹnt.” Ebe 27, ele ribhi obọ nan re urolo Grik gbẹn. Okha ọsi Jesu Kristi ọne obọle nan rẹ munhẹn. Uhọnmhọnlẹn bi ulọnlẹn kẹkẹ, ele ribhi ene ebe Baibo. Ahamiẹn a sounun bhi eji a ho nan tie, elin ọsi ọne ebe Baibo ọle a ka gbẹn, uhọnmhọnlẹn ki rẹkhan ọlẹn, uwẹ kuẹ miẹn ulọnlẹn. Bhi ọsi ijiẹmhin, uwẹ ha miẹn Matiu 1:1, ebe nọnsi Matiu, uhọnmhọnlẹn nin ọhẹnhẹn, ulọnlẹn nin ọhẹnhẹn, ọle a tẹmhọnlẹn.