Ɛsɔ lɩmaɣza yaa Ɛsɔ tɔm wɛnɩ Bibl taa, nɛ ɖa ɛma-tʋ. Bibl wɩlɩɣ-ɖʋ ɛzɩma ɖɩcaɣ wezuu nɛ piɖeni-ɖʋ yɔ nɛ mbʋ pɩwɛɛ se ɖɩla nɛ ɖɔ-tɔm kɛdɩnɩ Ɛsɔ yɔ. Kicosuu ɖɔɖɔ tɔm pɔzʋʋ pʋnɛ pɩ-yɔɔ:

Takayɩsɩ cikpesi 66 pɛkpɛndaa nɛ pɩpɩsɩ Bibl. Patayɩ Bibl hɔɔlɩŋ naalɛ taa: Ebree nɛ Arameya Masɩ («Nɔɔ Haʋ Kɩbɩm») nɛ Grɛɛkɩ Masɩ («Nɔɔ Haʋ Kɩfam»). Paa Bibl taa takayaɣ ŋga lɛ, ka-taa nɛ ñʋŋ nɛ kalɩtʋ. Ye paya Bibl mayaɣ nakɛyɛ yɔ, pacalɩɣ maʋ Bibl takayaɣ hɩɖɛ, pʋwayɩ lɛ ñʋʋ nɛ kʋkʋ wayɩ lɛ kalɩtʋ. Kɩɖaʋ nakʋyʋ yɔ: Kiɖe Tɛɛ Tɔm 1:1 tɔbʋʋ lɛ se Kiɖe Tɛɛ Tɔm takayaɣ, ñʋʋ 1, kalɩtʋ 1.