Un intruduson pa Palavra di Deus
Na Bíblia nu ta atxa mensajen, ô palavra, di Deus pa nos oji. El ta inxina-nu ten un vida filís i kuzê ki nu pode faze pa Deus fika kontenti ku nos. Tanbê el ta responde kes pergunta li:
MODI KI BU TA ATXA KES TESTU DI BÍBLIA
Bíblia ten 66 livru pikinoti. El sta divididu na dôs parti: un párti skrebedu na ebraiku i aramaiku (“Velhu testamentu”) i kel otu párti skrebedu na gregu (“Novu Testamentu”). Kes livru ki skrebedu na gregu é 27. Kes primeru livru ta kumesa ta konta stória di vida di Jizus Kristu. Kada livru di Bíblia sta divididu na kapítlus i versíklus. Óras ki ta parse un testu di Bíblia, kel primeru nunbru dipôs di nómi di livru é kapítlu, i kel nunbru ô nunbrus ki ta ben dipôs é versíklu ô versíklus. Pur izénplu, Mateus 1:1 krê fla Mateus kapítlu 1, versíklu 1.