ပမၤလိန့ၢ် တၢ်မနုၤလၢ ကစၢ်ယွၤအကလုၢ်ကထါ အပူၤလဲၣ်
လံာ်စီဆှံန့ၣ် အိၣ်ဒီးတၢ်ကစီၣ်လၢ အဟဲလၢ ကစၢ်ယွၤအအိၣ် ဒီးမ့ၢ်ဝဲလၢပဂီၢ်လီၤ. လံာ်စီဆှံမၤစၢၤပှၤဒ်သိး ပကသ့ၣ်ညါလၢ ပကဘၣ်အိၣ်မူဒ်လဲၣ် ဒီးပဒိးန့ၢ်ဘၣ် ကစၢ်ယွၤအတၢ်ဘၣ်သး ကသ့ဒ်လဲၣ်. တကးဒံးဘၣ် လံာ်စီဆှံ ပာ်ဖျါထီၣ်ဝဲ တၢ်သံကွၢ်လၢ တၢ်ဖီလာ်တဖၣ်အံၤ အတၢ်စံးဆၢလီၤ–
၄. လံာ်စီဆှံန့ၣ် မ့ၢ်အလီၤပလိာ်ဒီး စဲအ့ၣ်အတၢ်ကူၣ်ဘၣ်ကူၣ်သ့ဧါ
၇. ဘၣ်ဃးဒီး မုၢ်မဆါတနံၤအံၤန့ၣ် လံာ်စီဆှံ တဲဆိပာ်စၢၤဝဲဒ်လဲၣ်
၈. ဖဲပှၤတူၢ်ဘၣ်တၢ်နးတၢ်ဖှီၣ်အခါ မ့ၢ်ပှၤကြၢးပာ်ဒ့ၣ်ပာ်ကမၣ် ကစၢ်ယွၤဧါ
၉. ဘၣ်မနုၤအဃိ ပှၤဟီၣ်ခိၣ်ဖိတူၢ်ဘၣ် တၢ်နးတၢ်ဖှီၣ်လဲၣ်
၁၃. ဘၣ်ဃးဒီး တၢ်ဖံးတၢ်မၤအဂ့ၢ်န့ၣ် လံာ်စီဆှံတဲဝဲဒ်လဲၣ်
၁၅. ဒ်သိးနကအိၣ်ဒီး တၢ်သးခုနီၢ်ကီၢ်အဂီၢ် နကဘၣ်မၤတၢ်မနုၤလဲၣ်
၁၉. လံာ်စီဆှံ အကတြူၢ်တဖၣ်န့ၣ် အိၣ်ဒီးတၢ်ဂ့ၢ်မနုၤတဖၣ်လဲၣ်
၂၀. ဖဲနဖးလံာ်စီဆှံအခါ ဒ်သိးနကန့ၢ်ဘၣ် အဘျုးလၢလၢပှဲၤပှဲၤအဂီၢ် နကဘၣ်မၤမနုၤလဲၣ်
နဃုထံၣ်န့ၢ် လံာ်စီဆှံအဆၢတဖၣ် ကသ့ဒ်လဲၣ်
လံာ်စီဆှံန့ၣ် ဘၣ်တၢ်ပာ်ဖှိၣ်ထီၣ်အီၤလၢလံာ် ၆၆ ကတြူၢ်လီၤ. ဒီးဘၣ်တၢ်နီၤဖးက့ၤအီၤ ခံကတြူၢ် လၢအမ့ၢ် လံာ်စီဆှံလၢ ဧ့ၤဘြံၤ-အရၣ်မ့းကျိာ်တကတြူၢ် (“လံာ်တၢ်အၢၣ်လီၤအီလီၤအလီၢ်လံၤ”) ဒီးလံာ်စီဆှံလၢ ကြံးကျိာ်တကတြူၢ် (“လံာ်တၢ်အၢၣ်လီၤအီလီၤအသီ”) လီၤ. လံာ်စီဆှံအကတြူၢ်ခဲလၢာ်န့ၣ် ဘၣ်တၢ်နီၤဖးက့ၤအီၤလၢ အဆၢဒိၣ်ဒီး အဆၢဖိတဖၣ်လီၤ. ဖဲတၢ်ပာ်ဖျါထီၣ် လံာ်စီဆှံအဆၢအခါ နီၣ်ဂံၢ်အဆိကတၢၢ်လၢ လံာ်အမံၤ အလီၢ်ခံန့ၣ် မ့ၢ်အဆၢဒိၣ် ဒီးနီၣ်ဂံၢ်လၢခံတဖၣ်န့ၣ် မ့ၢ်အဆၢဖိတဖၣ်လီၤ. အဒိ, စံးထီၣ်ပတြၢၤ ၁:၁ န့ၣ်အဲၣ်ဒိးတဲဝဲ စံးထီၣ်ပတြၢၤ အဆၢဒိၣ် ၁, အဆၢဖိ ၁ လီၤ.