ຄຳພີ​ໄບເບິນ​ມີ​ຂ່າວ​ສານ​ຫຼື​ຄຳ​ເວົ້າ​ຂອງ​ພະເຈົ້າ​ທີ່​ເພິ່ນ​ສົ່ງ​ມາ​ໃຫ້​ພວກ​ເຮົາ​ທຸກ​ມື້​ນີ້. ຄຳພີ​ໄບເບິນ​ບອກ​ໃຫ້​ພວກ​ເຮົາ​ຮູ້​ວ່າ​ຕ້ອງ​ໃຊ້​ຊີວິດ​ແນວ​ໃດ​ເພື່ອ​ຈະ​ປະສົບ​ຄວາມ​ສຳເລັດ​ແລະ​ເຮັດ​ໃຫ້​ພະເຈົ້າ​ພໍໃຈ. ຄຳພີ​ໄບເບິນ​ຍັງ​ຊ່ວຍ​ພວກ​ເຮົາ​ໃຫ້​ຮູ້​ຄຳ​ຕອບ​ຂອງ​ຄຳ​ຖາມ​ຕ່າງ​ໆ​ເຊັ່ນ:

ຄຳພີ​ໄບເບິນ​ປະກອບ​ດ້ວຍ​ປຶ້ມ​ນ້ອຍ​ໆ 66 ຫົວ. ຄຳພີ​ໄບເບິນ​ແບ່ງ​ເປັນ 2 ສ່ວນ​ຄື: ພາກ​ພາສາ​ເຮັບເຣີ​ກັບ​ພາສາ​ອາຣາເມອິກ (ພັນທະ​ສັນຍາ​ເກົ່າ) ແລະ​ພາກ​ພາສາ​ກຣີກ (ພັນທະ​ສັນຍາ​ໃໝ່). ປຶ້ມ​ນ້ອຍ​ໆ​ແຕ່​ລະ​ຫົວ​ຈະ​ແບ່ງ​ເປັນ​ບົດ​ແລະ​ຂໍ້. ເມື່ອ​ຍົກ​ຂໍ້​ພະຄຳພີ​ຂຶ້ນ​ມາ​ເວົ້າ ໂຕ​ເລກ​ໂຕ​ທຳອິດ​ທີ່​ຢູ່​ຫຼັງ​ຊື່​ຂອງ​ປຶ້ມ​ແມ່ນ​ບົດ ແລະ​ໂຕ​ເລກ​ໂຕ​ຕໍ່​ມາ​ແມ່ນ​ຂໍ້ ຕົວຢ່າງ: ປະຖົມມະການ 1:1 ໝາຍເຖິງ ປຶ້ມ​ປະຖົມມະການ ບົດ 1 ຂໍ້ 1.