Bible udi ne mukenji wa Nzambi, anyi dîyi diende buetu tuetu lelu. Udi utuleja tshitudi mua kuenza bua kuikala ne nsombelu muimpe ne tshia kuenza bua Nzambi kutuanyisha. Udi kabidi wandamuna nkonko idi ilonda eyi:

Bible mmuenza ne mikanda mikese 66. Mmukosolola mu bitupa bibidi: Mifundu ya mu tshiena Ebelu ne mu tshiena Alama (“Dipungila Dikulukulu”) ne Mifundu ya mu tshiena Greke (“Dipungila Dipiadipia”). Mukanda wonso wa mu Bible mmukosolola mu nshapita ne mvese. Padibu bafila mukanda wa kubala, nomba wa kumpala udi ulua panyima pa dîna dia mukanda udi uleja nshapita, ne nomba udi ulonda anyi idi ilonda idi ileja mvese. Tshilejilu: Genese 1:1 udi umvuija ne: Genese nshapita wa 1, mvese wa 1.