Teyta Diospa Palabrampita yachakunapaq
Bibliachöqa nunakunata Teyta Dios ninqanmi këkan. Tsëmi Diospa Palabran kanqanta nintsik. Bibliachöqa kushishqa kanampaq y Diospa rikëninchö alli kanapaq imata ruranampaq kaqtam yachatsimantsik, y kë tapukuykunapitam yachatsikun:
BIBLIACHÖ NINQANTA IMANÖ TARINAPAQ
Bibliachöqa 66 librukunam kan. Qallanan kaqkunatam hebreu y arameu idiömachö qellqayarqan, y ushanan kaqkunatanam griëgu idiömachö qellqayarqan. Wakin nunakunaqa Unë Testamentu y Mushoq Testamentu nirmi reqiyan. Bibliachö librukunaqa capïtulu niyanqanmanmi rakishqa këkan, y cada capïtulunam versïculu niyanqanman rakishqa këkan. Textupa qallananchö yurimoqqa, Bibliachö librupa jutinmi, puntata yurimoq nümerunam ima capïtulu kanqanta rikätsikun, tsëpita yureq juk o mas nümerukunanam ima versïculu kanqanta rikätsikun. Genesis 1:1 nirqa, Genesis capïtulu 1, versïculu 1 ninqampaqmi parlëkan.