Le baʼaxoʼob ku kaʼansik u Tʼaan Diosoʼ
Le Bibliaoʼ ku tʼaan tiʼ le baʼaxoʼob u kʼáat Dios ka k-ojéelt teʼ kʼiinoʼobaʼ. Ku yeʼesik bix jeʼel u yantaltoʼon kiʼimak óolal ichil k-kuxtaleʼ yéetel bix jeʼel k-beetik baʼax uts tu tʼaan Dioseʼ. Tsʼoʼoleʼ ku núukik xan le kʼáatchiʼobaʼ:
BIX JEʼEL A KAXTIK U TEKSTOSIL LE BIBLIAOʼ
Le Bibliaoʼ ku taasik 66 mejen libroʼob yéetel kaʼajaats jóoʼsaʼan tiʼ: Tsʼíiboʼob ich Hebreo yéetel Arameo (Antiguo Testamento), yéetel Tsʼíiboʼob ich Griego (Nuevo Testamento). Cada libro tiʼ le Bibliaoʼ jatsaʼan ich capítuloʼob yéetel versículoʼob. Le kéen aʼalaʼak junpʼéel tekstoeʼ yáaxeʼ ku yaʼalaʼal u kʼaabaʼ le librooʼ, tsʼoʼoleʼ le yáax número ku yaʼalaʼaloʼ letiʼe capítulooʼ, yéetel le uláakʼ número ku yaʼalaʼaloʼ letiʼe versículooʼ. Jeʼex kéen aʼalaʼak Génesis 1:1, u kʼáat u yaʼaleʼ Génesis capítulo 1, versículo 1.