TITIRAKI 1
Antai te Atua?
“Ke a ataiko aomata ae Iehova aram, bwa bon tii ngkoe Teuare Moan te Rietata n te aonnaba ni kabutaa.”
“Ataia ae Iehova bon te Atua. Boni ngaia ae e karaoira ao bon ana bwai ngaira.”
“Bon Iehova ngai. Bon aei arau. N na aki anga neboakiu nakon temanna ao N na aki anga naba karaoiroau nakoia bouannanti aika kaaraki.”
“Ane e taboa aran Iehova ao e na kamaiuaki.”
“E koaua bwa a kateaki auti nako iroun te aomata, ma ane e katei bwaai ni kabane bon te Atua.”
“Euti matami nako karawa ao taraia. Antai ae karikii baikai? Bon Teuare kairiia taanga n itoi ni kaineti ma mwaitiia ao e weteiia ni kabane n araia. Ibukini korakorana ae bati ao mwaakana ae kamimi ma ni kakamaaku ao bon akea teuana ae bua mai buakoia.”
Ko Bae Naba n Tangira
REIREI AIKA RANGI NI KAKAWAKI N TE BAIBARA
Iai Aran te Atua?
A bati nakoan te Atua n aron, Moan te Mwaaka, te tia Karikiriki, ao te Uea. Ma e kabonganaaki aran te Atua 7,000 tabun te tai n te Baibara.
