AJỤJỤ NKE 1
Ajụjụ nke 1: Ònye bụ Chineke?
“Ka ndị mmadụ mara na aha gị bụ Jehova nakwa na ọ bụ naanị gị bụ Onye Kacha Elu n’ụwa niile.”
“Maranụ na Jehova bụ Chineke. Ọ bụ ya kere anyị, ọ bụkwa ya nwe anyị.”
“Abụ m Jehova. Ọ bụ ya bụ aha m. Anaghị m enye onye ọzọ ùgwù ruuru m. Anaghịkwa m enye arụsị a pịrị apị otuto e kwesịrị inye m.”
“A ga-azọpụta onye ọ bụla na-akpọku aha Jehova.”
“N’eziokwu, ụlọ ọ bụla nwere onye rụrụ ya, ma onye rụrụ ihe niile bụ Chineke.”
“Leenụ anya n’eluigwe hụ ihe ndị a. Ònye kere ha? Ọ bụ Chineke, onye na-edu ha n’ìgwè, na-agụkwa ha ọnụ. Ọ na-akpọ ha niile aha n’otu n’otu. O nweghị otu n’ime ha ọ na-achọ achọ, n’ihi na ike ya dị egwu, ume ya enweghịkwa atụ.”