“Bukhu ya Chilamulo mweyi ayi kuti ichoke pakamwa pako. Umbaiwerenge na kuganizira mokwana usiku na masikati, kuti umbatewedze bwinobwino vose vomwe vanembewamo. Ukambachita vimwevi, vinthu vimbakufambire bwino ndipo umbachite vinthu mwanzeru.”

Yoswa 1:8

“Iwo adapitiriza kuwerenga bukhu mwiyo mokuwa. Adapitiriza kuwerenga Chilamulo cha Mulungu chaiye, kuchifotokoza mobveka bwino na kubvekesa tanthauzo ya vomwe ambawerenga.”

Nehemiya 8:8

“Wokondwa ni munthu yemwe atewedzalini malangizo ya wanthu oipa . . . , koma akonda maninge chilamulo cha Yahova, ndipo awerenga na kuganizira mokwana chilamulo mwicho usiku na masikati. . . . Ndipo vose vomwe achita vimufambira bwino.”

Salimo 1:1-3

“Filipo adathamanga nkumbafamba m’mbali mwa ngolo mwiyo ndipo adamubva ankuwerenga mokuwa ulosi wa mneneri Yesaya. Filipo adamubvunza kuti: ‘Ko mukubvesesa vomwe munkuwerenga?’ Iye adadawira kuti: ‘Ningabvese tani palibe wonifotokozera?’”

Machitidwe 8:30, 31

 “Kundochokera pomwe dziko idalengewa, makhalidwe ya Mulungu yosawoneka na maso yankuwonekera bwino. Makhalidwe ya Mulungu mwaya, olo mphanvu zake zosamala komasoti Umulungu wake, vinkuwonekera mu vinthu vomwe adakonza, mwakuti wanthu mwawo alibe pomwe chifukwa chobveka chosakhulupirira kuti kuli Mulungu.”

Aroma 1:20

“Umbaganizire mwamphanvu vinthu vimwevi ndipo umbavichite modzipereka kuti wanthu wose awone kuti unkupita patsogolo.”

1 Timoteyo 4:15

“Ndipo naboni tiganizirane kuti tilimbikisane pa nkhani yowonesana chikondi komasoti kuchita vabwino. Osati tileke kusonkhana pabodzi.”

Aheberi 10:24, 25

“Peno munango ankusowa nzeru, ambakumbire kwa Mulungu ndipo adzamupase, ndawa iye apereka mosaumira kwa wose ndipo atombodzeralini.”

Yakobo 1:5