PENUNGKUNEN 6
Kai si Nubuatken Pustaka si Badia kerna Mesias?
NUBUAT
“O Betlehem Eprata, . . . reh pagi bas kam nari kalak si Kupilih jadi penguasa bas Israel.”
TERJADI
“Kenca Jesus lahir i Betlehem si lit i Judea paksa Herodes jadi raja, ahli-ahli bintang arah Timur nari reh ku Jerusalem.”
NUBUAT
“Bagi-bagiken kalak e uisku, undi kalak e pakenku.”
TERJADI
“Kenca pakuken prajurit-prajurit e Jesus bas tiang, buat kalak e uisna si arah darat, rigatkenna jadi empat bagin . . . Buat kalak e ka uisna si arah bas, tapi datas nari seh ku teruh uis e la lit penjarumenna. Nina kalak e, ‘Uis si e ula sirigatken. Mari siundi guna nentuken man ise uis e.’”
NUBUAT
“LindungiNa kerina tulanna, la lit sada pe si ipenggelken.”
TERJADI
“Kenca seh kalak e ku Jesus, idah kalak e Jesus enggo mate. Emaka la penggelken kalak e nahena.”
NUBUAT
“Ia itebak perban dosa kami.”
TERJADI
“Tebak sekalak prajurit tulan rangrang Jesus alu tombak, emaka paksa si e ndarat dareh ras lau.”
NUBUAT
“Galari kalak e upahku 30 logam pirak.”
TERJADI
“Kenca si e, salah sada arah 12 rasul nari, si igelari Judas Iskariot, lawes ndahi imam-imam kepala, janah nina, ‘Kai kari bereken kena man bangku adi kuserahken ia man kena?’ Tawarken kalak e man bana 30 sen logam pirak.”
