KAPAS EIS 6
Met Paipel A Osuni Ussun ewe Messaia?
OESINI
“En Petlehem Efrata, . . . ewe mi towu senuk epwe samolun Israel.”
Mika 5:2
PWÉNÚTÁÁN
“Mwirin án Jises uputiw Petleem lón Jutia lón fansoun Erot ewe king, nengeni! ekkóch soufúú seni Éétiw ra etto Jerusalem.”
OESINI
“Ra üttüt won üfei kewe o ineti lefiler.”
Kölfel 22:18
PWÉNÚTÁÁN
“Iwe, lupwen ekkewe soufiu ra chúfélúetá Jises wóón ewe irá, ra angei úfan we úféúfen lúkún me kinietiw lón rúáánú kinikin . . . Nge ewe úféúfen lón ese wor lekochuun, mi chék teunus seni asan ngeni fan. Iwe, ra eráfengen lefiler: ‘Sisap kamwetiw nge sipwe úttút wóón pwe epwe pwá ié epwe angei.’”
OESINI
“A fokun tümwünü ewe chon pwüng, pwe esap mwo nge kup efoch chün.”
Kölfel 34:20
PWÉNÚTÁÁN
“Lupwen ra tori Jises ra kúna pwe a fen máló, ina minne, rese kupi pechen kewe.”
OESINI
“Repwe nenengeni ätewe ra posu.”
Sekaraia 12:10
PWÉNÚTÁÁN
“Emén me lein ekkewe soufiu a pwosu ngeni lepekin wokun we siles, me mwittir chék a kusuwu chcha me konik.”
OESINI
“Ra ngeniei ükükün ilik föün moni silifer pwe liwini.”
Sekaraia 11:12, 13
PWÉNÚTÁÁN
“Emén me lein ekkewe Engol me Rúúemén, ewe mi iteni Jutas Iskariot, a feiló ren ekkewe souasor mi lap, me apasa: ‘Met oupwe ngeniei pwe úpwe afangemá i ngenikemi?’ Ra pwon pwe repwe ngeni 30 féún silifer.”